gheraṇḍasaṃhitā tradução e kriyas

 

gheraṇḍasaṃhitā 
 .. śrīgaṇeśāya namaḥ..

maṅgalācaraṇam .
ādīśvarāya praṇamāmi tasmai yenopadiṣṭā haṭhayogavidyā .
vibhrājate pronnatarājayogamāroḍhumicchoradhirohiṇīva .

Inclino-me perante o Senhor Shiva que no princípio ensinou o Hatha Vidya,
ciência que destaca como o primeiro degrau da escadaria que conduz às
supremas alturas do Raja Yoga..

ṣaṭkarmaśodhanaṃ nāma prathamopadeśaḥ
atha ghaṭasthayogakathanam .
ekadā caṇḍakāpālirgatvā gheraṇḍakuṭṭiram .
praṇamya vinayādbhaktyā gheraṇḍaṃ paripṛcchati .. 1..

śrīcaṇḍakāpāliruvāca .
ghaṭasthayogaṃ yogeśa tattvajñānasya kāraṇam .
idānīṃ śrotumicchāmi yogeśvara vada prabho .. 2..

gheraṇḍa uvāca .
sādhu sādhu mahābāho yanmāṃ tvaṃ paripṛcchasi .
kathayāmi hi te vatsa sāvadhānāvadhāraya .. 3..

1:1. Numa ocasião Chanda Kapali foi à cabana de Gheranda e o saudou
com reverência e devoção.
1:2. Oh, Mestre do Yoga! Oh tu, o melhor de todos os Yoguis! Oh Senhor!
Quero aprender a disciplina de Hatha Yoga que leva ao conhecimento da
verdade (tattva-jñána).
1:3. O Mestre Gheranda respondeu: “Sem dúvida o pedes correctamente. Te
ensinarei o que desejas saber. Escuta com atenção”

nāsti māyāsamaḥ  pāśo nāsti yogātparaṃ balam .
nāsti jñānātparo bandhu rnāhaṅkārātparo ripuḥ .. 4..

1:4. Não existem amarras como as da ilusão (máyá). Não há força como a
que provém da disciplina (yoga). Não há amigo mais elevado que o
conhecimento (jñána). E não há inimigo maior que o sentimento de
individualidade (ahámkara).

abhyāsātkādivarṇānāṃ yathā śāstrāṇi bodhayet .
tathā yogaṃ samāsādya tattvajñānaṃ ca labhyate .. 5..

1:5. Da mesma maneira que se aprende o alfabeto, com a prática, podem-se
dominar todas as ciências, mediante o domínio do Hatha Yoga adquire-se no
final o conhecimento da verdade que libera o atma da escravidão.

sukṛtairduṣkṛtaiḥ kāryairjāyate prāṇināṃ ghaṭaḥ .
ghaṭādutpadyate karma ghaṭīyantraṃ yathā bhramet .. 6..

ūrdhvādho bhramate yadvadghaṭīyantraṃ gavāṃ vaśāt .
tadvatkarmavaśājjīvo bhramate janmamṛtyubhiḥ .. 7..

1:6. De acordo com os atos, bons ou maus, produzem-se os corpos de todos
os seres vivos, e os corpos dão origem às ações (o karma que conduz ao
renascimento). Desta maneira, o ciclo repete-se como o contínuo girar da
roda de um moinho de água.
1:7. Da mesma forma que sobe e desce a roda de um moinho ao sacar água
do poço movida pelos pistões (enchendo e esvaziando uma e outra vez os
baldes), assim também o atman (jivátman) passa através da vida e da morte
movida pelas suas ações (karma).

āmaṃ kumbhamivāmbhastho jīryamāṇaḥ sadā ghaṭaḥ .
yogānalena sandahya ghaṭaśuddhiṃ samācaret .. 8.

1:8. Porém, o corpo degenera-se neste mundo como um vaso de barro fresco
submergido em água. Fortalece-o com o fogo do treino (ghatastha-yoga)
que vigoriza e purifica o corpo..

atha saptasādhanam .
śodhanaṃ dṛḍhatā caiva sthairyaṃ dhairyaṃ ca lāghavam .
pratyakṣaṃ ca nirliptaṃ ca ghaṭasthasaptasādhanam .. 9..

1:9. Os sete passos deste treino psico-fisiológico (sādhanam)

 são os seguintes:
1. Purificação, kriyá.
2. Fortalecimento, dridhata.
3. Estabilidade, sthirata.
4. Calma, dhirata.
5. Ligeireza, laguima.
6. Percepção correcta, pratyakshatva.
7. Libertação, nirliptata.

atha saptasādhanalakṣaṇam .
ṣaṭkarmaṇā śodhanaṃ ca āsanena bhaveddṛḍham .
mudrayā sthiratā caiva pratyāhāreṇa dhīratā .. 10..

prāṇāyāmāllāghavaṃ ca dhyānātpratyakṣamātmanaḥ .
samādhinā nirliptaṃ ca muktireva na saṃśayaḥ .. 11..

1:10-11. A purificação adquire-se com a prática regular dos seis kriyá. A
força consegue-se com ásana; a estabilidade ou firmeza com mudra; calma
com pratyáhara; a ligeireza com pránáyáma; a percepção correcta com
dhyána; a libertaçã com samádhi.

atha śodhanam .
dhautirbastistathā netirnaulikī trāṭakaṃ tathā .
kapālabhātiścaitāni ṣaṭkarmāṇi samācaret .. 12..

1:12. Os shat karma, ou seis exercícios de purificação, são:
1. Dhauti,
2. Vasti (Basti),
3. Neti,
4. Lauliki (Nauli),
5. Trataka,
6. Kapalabhati.

atha dhautiḥ .
antardhautirdantadhautirhṛddhautirmūlaśodhanam .
dhautiṃ caturvidhāṃ kṛtvā ghaṭaṃ kurvanti nirmalam .. 13..

Primeiro kriyá: dhauti
1:13. Os dhauti eliminam as impurezas do corpo e são de quatro tipos:
Antar-dhauti, ou limpeza interna; Danta-dhauti, ou limpeza dental; Hriddhauti,
ou limpeza do esófago; Múla-soddhana, ou limpeza do recto.
.

athāntardhautiḥ .
vātasāraṃ vārisāraṃ vahnisāraṃ bahiṣkṛtam .
ghaṭasya nirmalārthāya hyantardhautiścaturvidhā .. 14..

1:14. Antar-dhauti, subdivide-se por sua vez em quatro partes: Vatasara, ou
limpeza com ar; Varisara, ou limpeza com água; Vahnisara (agnisara), ou
limpeza com fogo; Bahishkrita, ou limpeza com extracção

atha vātasāraḥ .
kākacañcūvadāsyena pibedvāyuṃ śanaiḥ śanaiḥ .
cālayedudaraṃ paścādvartmanā recayecchanaiḥ .. 15.

1:15. Imitar com a boca a forma do bico de um corvo (kákí-mudra) e
inspirar lentamente. Encher o estômago de ar e movê-lo para dentro. Depois,
forçá-lo pouco a pouco até expulsá-lo através do recto.

vātasāraṃ paraṃ gopyaṃ dehanirmalakāraṇam .
sarvarogakṣayakaraṃ dehānalavivardhakam .. 16..

1:16. Vatasara é um procedimento muito secreto (mantido pelos Siddhas)
que purifica o corpo, cura todas as enfermidades e aumenta o fogo gástrico.

Vátasára dhauti. Este é um método de difícil execução, acessível apenas para aqueles praticantes que adquiriram um bom conhecimento e domínio do corpo. Váta é ar em sânscrito. Vátasára dhauti kriyá é a purificação do estômago, feita utilizando ar.

     A técnica consiste em sorver ar pela boca, através do bico de corvo (kaki mudrá, gesto que consiste em fechar os lábios, deixando uma abertura circular pela qual flui o ar), até encher todo o estômago. Faz-se o ar circular por ele e em seguida executa-se uma posição de inversão. A melhor delas é o sarvangásana, invertida sobre os ombros, com os joelhos flexionados tocando a testa ou o chão. Desta forma o ar será pressionado, empurrado para os intestinos e expelido naturalmente. Caso surja alguma dificuldade, é possível eliminar o ar através da permanência no mayurásana. O Gheranda Samhitá, diz que este dhauti purifica o corpo, evita diversas enfermidades e aumenta a secreção do suco gástrico.

atha vārisāraḥ .
ākaṇṭhaṃ pūrayedvāri vaktreṇa ca pibecchanaiḥ .
cālayedudareṇaiva codarādrecayedadhaḥ .. 17..

vārisāraṃ paraṃ gopyaṃ dehanirmalakārakam .
sādhayedyaḥ prayatnena devadehaṃ prapadyate .. 18..

vārisāraṃ parāṃ dhautiṃ sādhayedyaḥ prayatnataḥ .
maladehaṃ śodhayitvā devadehaṃ prapadyate .. 19..

Varisara-dhauti
1:17. Encher a boca completamente com água, até à garganta. Bebê-la
lentamente. No estômago, movimentá-la para os lados. Depois, empurrá-la
pouco a pouco para expulsá-la através do recto.
1:18. Este procedimento deve ser mantido em segredo; purifica o corpo e,
praticado com atenção, obtém-se um corpo luminoso ou resplandecente.
1:19. Varisara é o maior dos dhauti. Quem o executar com facilidade
purificará o seu corpo impuro e o transformará em um corpo divino(divyadeha).

 Várisára dhauti Vári significa água. Com o estômago vazio, ingere-se um litro e meio de água morna e salgada. A continuação fazem-se alguns ciclos de rajas uddiyana bandha ou nauli kriyá e uma invertida. Finalmente expele-se a água pela boca, colocando dois dedos na garganta para provocar a vomição. Para algumas escolas, várisára dhauti é sinônimo de vátasára dhauti ou shanka prakshálana. 

atha agnisāraḥ .
nābhigranthiṃ merupṛṣṭhe śatavāraṃ ca kārayet .
udarāmayajaṃ tyaktvā jāṭharāgniṃ vivardhayet .. 20..

agnisāramiyaṃ dhautiryogināṃ yogasiddhidā .
eṣā dhautiḥ parā gopyā devānāmapi durlabhā .
kevalaṃ dhautimātreṇa devadeho bhaveddhruvam .. 21.

Vahnisara-dhauti (agnisara-dhauti)
1:20. Pressionar cem vezes o abdómen contra a coluna vertebral. Isto é
agnisara ou limpeza com fogo. Conduz ao êxito na prática de yoga, cura
todas as enfermidades do estômago e incrementa o fogo interior.
1:21. Esta forma de dhauti, difícil de conseguir até para os deuses, deve
manter-se em segredo, pois proporciona um corpo divino (divya-deha).

Agnisára ou vahnisára dhauti. Esta técnica dinamiza o elemento fogo no interior do corpo, associado ao váyu samána, o ar vital responsável pela correta assimilação dos alimentos. Agni significa precisamente fogo. O agnisára dhauti consiste em executar cem contrações abdominais em um só shúnyaka (retenção com os pulmões vazios).

     Sente-se em posição de meditação. Apóie as mãos nos joelhos e deixe o tronco ligeiramente inclinado para frente. Elimine todo o ar dos pulmões, execute jalándhara bandha (veja bandha, no capítulo de técnicas complementares) e contraia vigorosamente o abdômen, como se quisesse tocar com o umbigo na coluna vertebral. Em seguida relaxe a musculatura. Contraia e relaxe inúmeras vezes de forma intensa e dinâmica, enquanto mantém os pulmões vazios. Este dhauti aumenta a força de vontade e o fogo interno..

atha bahiṣkṛtadhautiḥ .
kākīmudrāṃ sādhayitvā pūrayedudaraṃ marut .
dhārayedardhayāmaṃ tu cālayedardhavartmanā .
eṣā dhautiḥ parā gopyā na prakāśyā kadācana .. 22..

atha prakṣālanam .
nābhidaghne jale sthitvā śaktināḍīṃ visarjayet .
karābhyāṃ kṣālayennāḍīṃ yāvanmalavisarjanam .
tāvatprakṣālya nāḍīṃ ca udare veśayetpunaḥ .. 23..

idaṃ prakṣālanaṃ gopyaṃ devānāmapi durlabham .
kevalaṃ dhautimātreṇa devadeho bhaveddhruvam .. 24.

Bahishkrita-dhauti
1:22. Fazer kákí-mudra (boca em forma de bico de corvo) e inspirar
lentamente. Encher o estômago de ar e mantê-lo durante hora e meia.
Depois, empurrar forçando o ar até aos intestinos. Este dhauti deve manterse
em grande segredo e não revelá-lo a ninguém.
1:23. Em seguida, de pé e submergido em água até ao umbigo, extrair o
intestino grosso (Shakti-nádi). Lavá-lo à mão até que fique completamente
limpo. Finalmente, introduzí-lo de novo no abdómen.
1:24. Este procedimento, difícil de realizar até para os deuses, deve manterse
em secreto, pois proporciona um corpo divino (devadeha).

  Bahiskrita dhauti é a limpeza do reto. Esta limpeza é feita com água: deve-se ficar submerso na água até a altura do umbigo e lavar o reto com os dedos. Também pode utilizar-se ar em lugar de água. Bahiskrita significa colocar para fora, exterior. O nome derivaria da qualidade que alguns yogis teriam de fazer esta lavagem pondo o reto e o cólon para fora do corpo para poder lavá-los, após ter enchido de ar o estômago e tê-lo expelido pelos intestinos, segundo está exposto nas escrituras. Obviamente, não é a nossa intenção que você sequer tente fazer isto: fica registrado aqui apenas a título de curiosidade..

bahiṣkṛtadhautiprayogaḥ .
yāmārdhadhāraṇāśaktiṃ yāvanna sādhayennaraḥ .
bahiṣkṛtaṃ mahaddhautistāvaccaiva na jāyate .. 25..

1:25. Quem não conseguir reter o alento ou o ar no estômago durante hora e
meia, não poderá efectuar este grande dhauti ou purificação, conhecido
como bahishkrita.

atha dantadhautiḥ .
dantamūlaṃ jihvāmūlaṃ randhraṃ ca karṇayugmayoḥ .
kapālarandhraṃ pañcaite dantadhautiṃ vidhīyate .. 26..

Danta-dhauti
1:26. Inclui as seguintes práticas: Limpeza dos dentes (danta-múla-dhauti),
limpeza da língua (jihvá-dhauti), limpeza dos ouvidos (karna-dhauti) e
limpeza dos seios frontais (kapála-randhra-dhauti).

atha dantamūladhautiḥ .
khādireṇa rasenātha mṛttikayā ca śuddhayā .
mārjayeddantamūlaṃ ca yāvatkilbiṣamāharet .. 27..

dantamūlaṃ parā dhautiryogināṃ yogasādhane .
nityaṃ kuryātprabhāte ca dantarakṣāya yogavit .
dantamūlaṃ dhāvanādikāryeṣu yogināṃ matam .. 28.

.Danta-múla-dhauti
1:27. Esfregar os dentes com acácia em pó ou com terra pura até que
desapareçam todas as impurezas.
1:28. Esta limpeza dental é um grande dhauti e para os yoguis é um
procedimento muito importante na prática de yoga. Deve realizar-se
diariamente, cada manhã, para manter os dentes sãos. Os yoguis aprovam-no
para a purificação.

 Danta Dhauti

     Embora a palavra danta signifique apenas dente, o danta dhauti inclui as seguintes purificações: danta múla dhauti, limpeza da raiz dos dentes; jihva dhauti ou jihva shodhana, a lavagem da língua; karna dhauti, asseio dos canais auditivos; kapálarandhra dhauti desobstrução dos seios nasais; e chakshu dhauti, ablução dos olhos. 

     Para fazer a limpeza dos dentes de acordo com a tradição, emprega-se pó de catechu, que é esfregado nos dentes a fim de limpá-los bem. Atualmente encontram-se diversos produtos à base de ervas ou argila para esta finalidade. Como sucedâneo, podemos servir-nos da combinação de azeite de oliva com sal. Misturam-se estes dois ingredientes e com o dedo indicador esfrega-se o preparado nos dentes e nas gengivas. Se for utilizar escova dental, escolha aquelas de cerda suave e escove-se fazendo movimentos circulares. Evite os movimentos horizontais, pois isso pode prejudicar o esmalte dos dentes. Utilize fio dental para remover os resíduos acumulados nas cavidades. 

     Danta múla dhauti: a purificação da raiz dos dentes faz-se pressionando com força os maxilares fechando bem a musculatura da mandíbula. O danta múla dhauti inclui também a purificação e massageamento das gengivas. Para essa finalidade aconselha-se também a ingestão de alimentos de textura firme, como frutas secas: amêndoas, castanhas, nozes ou ainda torradas e outros alimentos duros, pois estes produzirão uma massagem na base dos dentes.

     Jihva dhauti. Diariamente, ao escovar os dentes, passe a escova dental na língua, desde a raiz para a ponta, com bastante água, até remover toda a camada esbranquiçada e junto com esta, resíduos de alimentos e bactérias. A limpeza da língua também pode ser feita utilizando uma colher para raspar e remover o excesso de mucosidade ou esfregando-a com os três dedos maiores e lavando-a com muita água.

atha jihvāśodhanam .
athātaḥ saṃpravakṣyāmi jihvāśodhanakāraṇam .
jarāmaraṇarogādīnnāśayeddīrghalambikā .. 29..

atha jihvāmūladhautiprayogaḥ .
tarjanīmadhyamā'nāmā aṅgulitrayayogataḥ .
veśayedgalamadhye tu mārjayellambikāmūlam .
śanaiḥ śanairmārjayitvā kaphadoṣaṃ nivārayet .. 30..

mārjayennavanītena dohayecca punaḥ punaḥ .
tadagraṃ lohayantreṇa karṣayitvā śanaiḥ śanaiḥ .. 31..

nityaṃ kuryātprayatnena raverudayake'stake .
evaṃ kṛte ca nityaṃ sā lambikā dīrghatāṃ vrajet .. 32..

Jihvá-dhauti (jihvá-sodhana)
1:29. Dir-te-ei agora o método para limpar a língua, cujo alargamento anula
a velhice, a morte e a doença.
1:30. Juntar os dedos médio, indicador e anelar e introduzi-los na garganta.
Escovar bem a raiz da língua e voltar a limpar, extraindo a mucosidade.
1:31. Em seguida, lavar a língua e massajá-la com manteiga e leite várias
vezes. Apertá-la e puxá-la repetidamente, como se estivesse a ordenhá-la.
Finalmente, segurando a ponta da língua com um instrumento de aço, raspea
com suavidade.
1:32. Esta prática deve efectuar-se com esmero todos os dias ao nascer e pôr
do sol. Desta forma consegue-se o alargamento da língua.

atha karṇadhautiprayogaḥ .
tarjanyaṅgulyakāgreṇa mārjayetkarṇarandhrayoḥ .
nityamabhyāsayogena nādāntaraṃ prakāśayet .. 33..

Karna-dhauti
1:33. Limpar os orifícios dos ouvidos com os dedos indicador e anelar. A
prática diária regular conduz à percepção de sons subtis (nada).

atha kapālarandhraprayogaḥ .
vṛddhāṅguṣṭhena dakṣeṇa mardayedbhālarandhrakam .
evamabhyāsayogena kaphadoṣaṃ nivārayet .. 34..

nāḍī nirmalatāṃ yāti divyadṛṣṭiḥ prajāyate .
nidrānte bhojanānte ca divānte ca dine dine .. 35..

Kapála-randhra-dhauti
1:34. Massajar a depressão da frente junto à raiz do nariz com o polegar da
mão direita. Com esta prática curam-se as enfermidades ocasionadas por
desordens dos humores (dosha).
1:35. As nádi purificam-se e obtêm-se a clarividência, a visão divina (divyadrishti).
Deve praticar-se diariamente ao despertar, depois de cada refeição e
ao anoitecer.

atha hṛddhautiḥ .
hṛddhautiṃ trividhāṃ kuryāddaṇḍavamanavāsasā .. 36..

atha daṇḍadhautiḥ .
rambhādaṇḍaṃ hariddaṇḍaṃ vetradaṇḍaṃ tathaiva ca .
hṛnmadhye cālayitvā tu punaḥ pratyāharecchanaiḥ .. 37..

kaphapittaṃ tathā kledaṃ recayedūrdhvavartmanā .
daṇḍadhautividhānena hṛdrogaṃ nāśayeddhruvam .. 38..

Hrid-dhauti
1:36. A limpeza do coração, é de três tipos: Danda-dhauti (limpeza com
uma haste), Vamana-dhauti (limpeza com água), e Váso-dhauti (limpeza
com uma gaze).
Danda-dhauti
1:37. Usar um ramo de plátano, cúrcuma, plantago mayor ou cana-de-açúcar
e introduzi-lo lentamente no esófago, retirando-o depois com cuidado.
1:38. Com esta prática elimina-se todo o muco (kapha), bílis (pitta) e outras
impurezas da boca e do peito. Mediante danda-dhauti curam-se todas as
enfermidades do coração.

atha vamanadhautiḥ .
bhojanānte pibedvāri cā''kaṇṭhapūritaṃ sudhīḥ .
ūrdhvāṃ dṛṣṭiṃ kṣaṇaṃ kṛtvā tajjalaṃ vamayetpunaḥ .
nityamabhyāsayogena kaphapittaṃ nivārayet .. 39.

Vamana-dhauti
1:39. Depois de comer, deve-se beber água até chegar ao estômago. Em
seguida, deve-se voltar o olhar para cima durante algum tempo. Finalmente,
procede-se ao vómito. Executado diariamente, cura as desordens ocasionas
por muco (kapha) e bílis (pitta)..

atha vāsodhautiḥ .
ekonaviṃśatiḥ hastaḥ pañcaviṃśati vai tathā .
caturaṅgulavistāraṃ sūkṣmavastraṃ śanairgraset .
punaḥ pratyāharedetatprocyate dhautikarmakam .. 40..

gulmajvaraplīhākuṣṭhakaphapittaṃ vinaśyati .
ārogyaṃ balapuṣṭiśca bhavettasya dine dine .. 41.

Váso-dhauti
1:40. Engolir lentamente uma gaze com quatro dedos de largura e depois
extrai-la. Isto é váso-dhauti (vastradhauti).
1:41. Com esta técnica elimina-se a febre e curam-se enfermidades
abdominais (gulma), dilatação do baço, lepra, enfermidades da pele, assim
como as desordens produzidas por muco (kapha) e bílis (pitta). Assim, a
cada dia, o praticante incrementa a sua saúde, força e ânimo..

atha mūlaśodhanam .
apānakrūratā tāvadyāvanmūlaṃ na śodhayet .
tasmātsarvaprayatnena mūlaśodhanamācaret .. 42..

pītamūlasya daṇḍena madhyamāṅgulinā'pi vā .
yatnena kṣālayedguhyaṃ vāriṇā ca punaḥ punaḥ .. 43..

vārayetkoṣṭhakāṭhinyamāmājīrṇaṃ nivārayet .
kāraṇaṃ kāntipuṣṭhyośca vahnimaṇḍaladīpanam .. 44..

Múla-soddhana
1:42. Apana não flui correctamente a não ser que se limpe o recto de forma
adequada. Portanto, deve efectuar-se cuidadosamente a purificação do
intestino grosso.
1:43. O recto limpa-se repetidas vezes com água, utilizando o dedo médio
ou uma haste da raiz de cúrcuma (haridra).
1:44. Isto elimina a prisão de ventre, a indigestão e a dispepsia, aumenta a
beleza e o vigor corporal e vivifica a esfera de fogo (suco gástrico).

atha bastiprakaraṇam .
jalabastiḥ śuṣkabastirbastiḥ syāddvividhā smṛtā .
jalabastiṃ jale kuryācchuṣkabastiṃ sadā kṣitau .. 45..

atha jalabastiḥ .
nābhimaghnajale pāyuṃ nyastavānutkaṭāsanam .
ākuñcanaṃ prasāraṃ ca jalabastiṃ samācaret .. 46..

pramehaṃ ca udāvartaṃ krūravāyuṃ nivārayet .
bhavetsvacchandadehaśca kāmadevasamo bhavet .. 47..

atha śuṣkabastiḥ .
bastiṃ paścimottānena cālayitvā śanairadhaḥ .
aśvinīmudrayā pāyumākuñcayetprasārayet .. 48..

evamabhyāsayogena koṣṭhadoṣo na vidyate .
vivardhayejjāṭharāgnimāmavātaṃ vināśayet .. 49.

Segundo kriyá: vasti (basti)
1:45. Os vasti são de dois tipos: Jala-vasti; (com água) realiza-se metido em
água; Shushka-vasti. (enema seco) realiza-se em terra.
Jala-vasti
1:46. Denomina-se jala-vasti a seguinte prática: submergido em água até à
altura do umbigo, adopta-se a postura da cadeira (utkatásana) e contrai-se
relaxa-se o esfíncter anal.
1:47. Com este procedimento curam-se desordens urinários (prameha),
problemas digestivos (udavarta) e problemas relacionados com os distintos
prána (krúra-váyu). O corpo liberta-se de toda a enfermidade e torna-se belo
como um deus.

 Jala Vasti

     Jala é água. Jala vasti é a lavagem dos intestinos, feita com água. O método tradicional faz-se usando uma cânula ou tubo de bambu de cinco dedos de comprimento por um de espessura. Antigamente, quando as fontes de água não estavam poluídas, o praticante ficava dentro de um rio, com a água na altura do umbigo e utilizava o bambu para sugar através dele a água e fazê-la penetrar nos intestinos. Depois expelia-se tudo. Dominando a técnica, ele tinha condições de fazê-la sem o bambu. Concordamos com você se achar que estas descrições têm um quê de folclórico, mas considere a época em que estas técnicas foram desenvolvidas (mais de 5000 anos atrás!) e pense também que, naquele, tempo os nossos ancestrais deste lado do mundo moravam em cavernas e nem sequer estavam sabendo da existência dos próprios intestinos... Atualmente, na falta de rios cristalinos, podemos realizar o jala vasti com um clister que tenha capacidade para dois litros de água. Esta deve ser mineral, morna e salgada, em proporção igual à utilizada no jala neti.

     Assimilam-se dois litros de água pelo reto. Executa-se uma posição de inversão até sentir forte vontade de evacuar. Este processo deve ser repetido até que a água saia bem clara. A prática de jala vasti aumenta a saúde de um modo geral, o vigor físico e a imunidade. Não se preocupe com a perda da flora intestinal que acontece durante a lavagem, pois ela se regenera e renova rapidamente, o que, aliás, é muito benéfico. Beba iogurte ou coalhada e pronto.

Shushka-vasti (sthala-vasti)
1:48. Adoptar a postura da pinça (paschimottanásana). Mover lentamente
até abaixo os intestinos. Contrair e relaxar o esfíncter anal mediante ashvinímudra.
1:49. Com esta prática previne-se a prisão de ventre, aumenta-se o fogo
gástrico e cura-se a flatulência..

atha netiyogaḥ .
vitastimānaṃ sūkṣmasūtraṃ nāsānāle praveśayet .
mukhānnirgamayetpaścātprocyate netikarmakam .. 50..

sādhanānnetikāryasya khecarīsiddhimāpnuyāt .
kaphadoṣā vinaśyanti divyadṛṣṭiḥ prajāyate .. 51.

Terceiro kriyá: neti
1:50. Introduzir um fio delgado, de comprimento médio (22 a 28 cm.), por
um orifício nasal. Empurrá-lo até que passe para dentro da boca. Agarrá-lo
com a mão e tirá-lo pela boca.
1:51. Com a prática de neti-kriyá facilita-se khechari-mudra, curam-se as
desordens causadas pelo muco (kapha) e aumenta a visão interior..

atha laukikīyogaḥ .
amandavegena tundaṃ bhrāmayedubhapārśvayoḥ .
sarvarogānnihantīha dehānalavivardhanam .. 52..

atha trāṭakam .
nimeṣonmeṣakaṃ tyaktvā sūkṣmalakṣyaṃ nirīkṣayet .
yāvadaśrūṇi patanti trāṭakaṃ procyate budhaiḥ .. 53..

evamabhyāsayogena śāmbhavī jāyate dhruvam .
netrarogā vinaśyanti divyadṛṣṭiḥ prajāyate .. 54..

atha kapālabhātiḥ .
vātakramavyutkrameṇa śītkrameṇa viśeṣataḥ .
bhālabhātiṃ tridhā kuryātkaphadoṣaṃ nivārayet .. 55..

Quarto kriyá: lauliki (nauli)
1:52. Mover energicamente os intestinos e o estômago de um lado para o
outro. Isto é lauliki-yoga. Elimina todas as enfermidades e aumenta o fogo
gástrico.
Quinto kriyá: tratakam
1:53. Olhar fixamente, sem pestanejar, qualquer objecto pequeno até que
comecem a fluir lágrimas. Isto chama-se tratakam, segundo os sábios.
1:54. Ao praticar este yoga, obtêm-se a shambavi-mudra, eliminam-se todas
as enfermidades oculares e surge a clarividência.

 2 - TRÁTAKA

     Trátaka é a fixação ocular. Serve para limpar e tonificar os músculos e nervos ópticos, assim como para descansar a vista. Desenvolve força de vontade e intuição e favorece a meditação. Basicamente, os diferentes tipos de trátaka consistem em fixar firmemente o olhar em um ponto ou em fazer certos movimentos de rotação, alongando músculos e nervos ópticos. Neste sentido, podemos dizer que os trátakas são ásanas feitos com os olhos. Existem três categorias de trátaka. 

     O primeiro tipo é o bahiranga trátaka, exercício externo, que inclui a fixação do olhar em algum ponto, como uma flor, uma folha, um símbolo ou a chama de uma vela, sem piscar, até lacrimejar intensamente. Contemplar o céu deixando o olhar aprofundar-se infinitamente no azul, nas ondas do mar, nas folhagens de uma floresta, observar o sol poente ou nascente, a lua ou as estrelas, também são formas de trátaka.

     Para fazer bahiranga trátaka você vai sentar em uma posição de meditação bem confortável, estendendo seu braço direito à frente com a mão fechada e o dedo polegar para cima. Olhe detidamente para a unha do polegar e comece a movimentar o braço, deslocando-o muito lentamente primeiro para o lado, depois para cima e por fim para baixo, acompanhando o dedo com os olhos, porém sem mover a cabeça. Faça o mesmo para o outro lado.

     Agora execute um movimento circular: mova a mão para cima, desça com ela pelo lado e ao chegar no chão troque de braço, subindo então pelo lado e completando o círculo que será feito na próxima vez no outro sentido. Execute diversas vezes. O movimento deve ser lento. Somente os olhos acompanham a mão: a cabeça permanece imóvel.

     Aproxime então o polegar de seus olhos e focalize-o bem de perto. Logo em seguida foque um ponto distante à sua frente e rapidamente volte o olhar para o polegar, olhe sucessivamente para o ponto distante e para o polegar, diversas vezes. Depois fixe o olhar em algum ponto, como uma flor, uma folha, um desenho ou a chama de uma vela, sem piscar, até lacrimejar intensamente.

     Por fim, atrite as palmas das mãos uma na outra até produzir um intenso calor. Cubra os olhos com as palmas, cuidando para não apertá-los, bloqueando qualquer entrada de luz e permitindo que os globos oculares assimilem esse calor. Enquanto isso, visualize-os em perfeito funcionamento.

     Pode-se fazer o movimento com os olhos sem utilizar a guia do dedo, imaginando um círculo em torno deles e mirando primeiramente o ponto entre as sobrancelhas, depois movendo vagarosamente os olhos para a extrema direita, para baixo, seguindo para a extrema esquerda e retornando para o ponto acima. Executa-se diversas vezes esta rotação, invertendo sempre o sentido.

     Já o antaranga trátaka é um exercício interno, que envolve visualização. Imagina-se um objeto, um símbolo ou um yantra no espaço escuro dentro da cabeça, na altura do intercílio. O objetivo é alcançar a mesma clareza que quando se olha para esse mesmo objeto com os olhos abertos. 

     O terceiro tipo, antarbahiranga trátaka, combina os outros dois, que se fazem de forma alternada. Esses exercícios podem fazer-se a qualquer momento do dia. O trátaka beneficia a saúde geral dos olhos, chegando em alguns casos a curar miopia ou astigmatismo, aumenta a força de vontade, desperta a clarividência (shámbhaví siddhi) e constitui uma excelente preparação para as técnicas avançadas. De todos os exercícios de trátaka, escolhemos a fixação na chama da vela, por ser ao mesmo tempo simples, fácil e de resultados rápidos.
Sexto kriyá: kapalabhati
1:55. Kapalabhati elimina as desordens produzidas pelo muco (kapha) e é
de três tipos: Váma-krama; Vyut-krama; Shít-krama.

1 - KAPÁLABHÁTI

     O nome significa crânio brilhante, imagem que define claramente a sensação que se tem ao fazê-lo. No kapálabháti enviamos uma carga extra de oxigênio ao cérebro, que causa uma sensação de brilho. Este exercício proporciona uma limpeza total das vias respiratórias.

     Elimine todo o ar dos pulmões. Inspire lenta e profundamente e, sem reter o ar, expire vigorosamente pelas narinas, fazendo bastante ruído e contraindo com força o abdômen.

     Volte a inspirar de forma completa, com suavidade, e solte o ar outra vez com vigor, porém sem contrair a musculatura facial nem movimentar os ombros. Faça isto pelo menos dez vezes.

     O intervalo entre duas expirações é muito maior que no bhastriká, a respiração do sopro rápido. A posição na qual você senta deve ser perfeitamente firme, para evitar oscilações devidas à força da exalação. É aconselhável utilizar um lenço debaixo das narinas, pelo menos durante os primeiros ciclos, para reter nele o excesso de mucosidade que será eliminado durante o exercício.

     Efeitos: o kapálabháti limpa instantaneamente as vias respiratórias. Fortalece o sistema nervoso e tonifica o organismo, regulando o seu metabolismo. Proporciona excelente oxigenação cerebral, limpando e purificando os pulmões e revigorando os órgãos internos e a musculatura abdominal. Produz um certo estado de euforia, aumenta a confiança em si próprio e a capacidade de controlar a mente. Desperta as faculdades sutis da percepção.

    No Gheranda Samhitá descrevem-se três formas de kapálabháti: vátakrama (expiração rápida e vigorosa, parecida com o bhastriká pránáyáma), vyutkrama (se aspira água morna e salgada pelo nariz e se elimina pela boca), e shítkrama kapálabháti (se absorve água morna e salgada pela boca e se expulsa em um sopro pelo nariz).

atha vāmakramakapālabhātiḥ .
iḍayā pūrayedvāyuṃ recayetpiṅgalāṃ punaḥ .
piṅgalayā pūrayitvā punaścandreṇa recayet .. 56..

pūrakaṃ recakaṃ kṛtvā vegena na tu dhārayet .
evamabhyāsayogena kaphadoṣaṃ nivārayet .. 57..

Váma-krama
1:56. Inspira-se suavemente pelo orifício esquerdo do nariz e expira-se pelo
direito. Em seguida, inspira-se pelo direito e expira-se pelo esquerdo.
1:57. Esta prática deve efectuar-se sem esforço. Com ela eliminam-se as
desordens produzidas pelo muco (kapha).

atha vyutkramakapālabhātiḥ .
nāsābhyāṃ jalamākṛṣya punarvaktreṇa recayet .
pāyaṃ pāyaṃ vyutkrameṇa śleṣmadoṣaṃ nivārayet .. 58.

Vyut-krama
1:58. Absorver água por ambas as fossas nasais e expeli-la lentamente pela
boca. Com vyut-krama eliminam-se as desordens produzidas pelo muco
(kapha)..

atha śītkramakapālabhātiḥ .
śītkṛtya pītvā vaktreṇa nāsānalairvirecayet .
evamabhyāsayogena kāmadevasamo bhavet .. 59..

na jāyate vārddhakaṃ ca jvaro naiva prajāyate .
bhavetsvacchandadehaśca kaphadoṣaṃ nivārayet .. 60.

Shít-krama
1:59. Absorver água pela boca e expeli-la lentamente pelas duas fossas
nasais. Com esta prática, o yogui torna-se belo como o deus Káma.
1:60. A velhice não chega e a degeneração não o alcança. O corpo torna-se
são e flexível. As desordens devido a muco são eliminadas..

iti śrīgheraṇḍasaṃhitāyāṃ maharṣigheraṇḍanṛpacaṇḍakāpālisaṃvāde
ghaṭasthayoge ṣaṭkarmaśodhanaṃ nāma prathamopadeśaḥ oṃ ..

ghaṭasthayoge dvātriṃśāsanavarṇanam
gheraṇḍa uvāca .
abhyāsādyasya dehe'yaṃ yogaupayikatāṃ vrajet .
manaśca sthiratāmeti procyate tadihā''sanam .. 1..

āsanāni samastāni yāvanto jīvajantavaḥ .
caturaśītilakṣāṇi śivena kathitāni ca .. 2..

teṣāṃ madhye viśiṣṭāni ṣoḍaśonaṃ śataṃ kṛtam .
teṣāṃ madhye martyaloke dvātriṃśadāsanaṃ śubham .. 3..

siddhaṃ padmaṃ tathā bhadraṃ muktaṃ vajraṃ ca svastikam .
siṃhaṃ ca gomukhaṃ vīraṃ dhanurāsanameva ca .. 4..

mṛtaṃ guptaṃ tathā mātsyaṃ matsyendrāsanameva ca .
gorakṣaṃ paścimottānamutkaṭaṃ saṅkaṭaṃ tathā .. 5..

mayūraṃ kukkuṭaṃ kūrmaṃ tathā cottānakūrmakam .
uttānamaṇḍūkaṃ vṛkṣaṃ maṇḍūkaṃ garuḍaṃ vṛṣam .. 6..

śalabhaṃ makaraṃ coṣṭraṃ bhujaṅgaṃ ca yogāsanam .
dvātriṃśadāsanāni tu martyaloke hi siddhidam .. 7..

atha siddhāsanam .
yonisthānakamaṅghrimūlaghaṭitaṃ sampīḍya gulphetaraṃ
      meḍhroparyatha saṃnidhāya cibukaṃ kṛtvā hṛdi sthāpitam .
sthāṇuḥ saṃyamitendriyo'caladṛśā paśyanbhruvorantare
      evaṃ mokṣavidhāyate phalakaraṃ siddhāsanaṃ procyate .. 8..

atha padmāsanam .
vāmorūpari dakṣiṇaṃ hi caraṇaṃ saṃsthāpya vāmaṃ tathā
      dakṣorūpari paścimena vidhinā kṛtvā karābhyāṃ dṛḍham .
aṅguṣṭhau hṛdaye nidhāya cibukaṃ nāsāgramālokaye-
      detadvyādhivikāranāśanakaraṃ padmāsanaṃ procyate .. 9..

atha bhadrāsanam .
gulphau ca vṛṣaṇasyādho vyutkrameṇa samāhitaḥ .
pādāṅguṣṭhau karābhyāṃ ca dhṛtvā ca pṛṣṭhadeśataḥ .. 10..

jālandharaṃ samāsādya nāsāgramavalokayet .
bhadrāsanaṃ bhavedetatsarvavyādhivināśakam .. 11..

atha muktāsanam .
pāyumūle vāmagulphaṃ dakṣagulphaṃ tathopari .
samakāyaśirogrīvaṃ muktāsanaṃ tu siddhidam .. 12..

atha vajrāsanam .
jaṅghābhyāṃ vajravatkṛtvā gudapārśve padāvubhau .
vajrāsanaṃ bhavedetadyogināṃ siddhidāyakam .. 13..

atha svastikāsanam .
jānūrvorantare kṛtvā yogī pādatale ubhe .
ṛjukāyaḥ samāsīnaḥ svastikaṃ tatpracakṣate .. 14..

atha siṃhāsanam .
gulphau ca vṛṣaṇasyādho vyutkrameṇordhvatāṃ gatau .
citimūlau bhūmisaṃsthau karau ca jānunopari .. 15.

vyaktavaktro jalandharaṃ ca nāsāgramavalokayet .
siṃhāsanaṃ bhavedetatsarvavyādhivināśakam .. 16..

atha gomukhāsanam .
pādau ca bhūmau saṃsthāpya pṛṣṭhapārśve niveśayet .
sthirakāyaṃ samāsādya gomukhaṃ gomukhā''kṛtiḥ .. 17..

atha vīrāsanam .
ekapādamathaikasminvinyasedūrusaṃsthitam .
itarasmiṃstathā paścādvīrāsanamitīritam .. 18..

atha dhanurāsanam .
prasārya pādau bhuvi daṇḍarūpau
       karau ca pṛṣṭhe dhṛtapādayugmam .
kṛtvā dhanustulyaparivartitāṅgaṃ
       nigadya yogī dhanurāsanaṃ tat .. 19..

atha mṛtāsanam .
uttānaṃ śavavadbhūmau śayānaṃ tu śavāsanam .
śavāsanaṃ śramaharaṃ cittaviśrāntikāraṇam .. 20..

atha guptāsanam .
jānūrvorantare pādau kṛtvā pādau ca gopayet .
pādopari ca saṃsthāpya gudaṃ guptāsanaṃ viduḥ .. 21..

atha matsyāsanam .
muktapadmāsanaṃ kṛtvā uttānaśayanaṃ caret .
kūrparābhyāṃ śiro veṣṭyaṃ matsyāsanaṃ tu rogahā .. 22..

atha mātsyendrāsanam .
udaraṃ paścimābhāsaṃ kṛtvā tiṣṭhati yatnataḥ .
namrāṅgaṃ vāmapādaṃ hi dakṣajānūpari nyaset .. 23..

tatra yāmyaṃ kūrparaṃ ca yāmyakare ca vaktrakam .
bhruvormadhye gatā dṛṣṭiḥ pīṭhaṃ mātsyendramucyate .
matsyendrapīṭhaṃ jaṭharāgnidīptaṃ kuryādrogaṃ ca jvarā vināśanam .. 24..

atha paścimottānāsanam .
prasārya pādau bhuvi daṇḍarūpau
      saṃnyastabhālaṃ citiyugmamadhye .
yatnena pādau ca dhṛtau karābhyāṃ
      yogīndrapīṭhaṃ paścimottānamāhuḥ .. 25..

atha gorakṣāsanam .
jānūrvorantare pādau uttānau vyaktasaṃsthitau .
gulphau cācchādya hastābhyāmuttānābhyāṃ prayatnataḥ .. 26..

kaṇṭhasaṅkocanaṃ kṛtvā nāsāgramavalokayet .
gorakṣāsanamityāhuryogināṃ siddhikāraṇam .. 27..

athotkaṭāsanam .
aṅguṣṭhābhyāmavaṣṭabhya dharāṃ gulphau ca khe gatau .
tatropari gudaṃ nyasedvijñeyamutkaṭāsanam .. 28..

atha saṅkaṭāsanam .
vāmapādacitermūlaṃ vinyasya dharaṇītale .
pādadaṇḍena yāmyena veṣṭayedvāmapādakam .
jānuyugme karayugmametatsaṅkaṭamāsanam .. 29..

atha mayūrāsanam .
dharāmavaṣṭabhya karayostalābhyāṃ tatkūrpare sthāpitanābhipārśvam .
uccāsano daṇḍavadutthitaḥ khe mayūrametatpravadanti pīṭham .. 30..

bahukadaśanabhuktaṃ bhasma kuryādaśeṣaṃ janayati jaṭharāgniṃ jārayetkālakūṭam .
harati sakalarogānāśu gulmajvarādīn bhavati vigatadoṣaṃ hyāsanaṃ śrīmayūram .. 31..

atha kukkuṭāsanam .
padmāsanaṃ samāsādya jānūrvorantare karau .
kūrparābhyāṃ samāsīno uccasthaḥ kukkuṭāsanam .. 32..

atha kūrmāsanam .
gulphau ca vṛṣaṇasyādho vyutkrameṇa samāhitau .
ṛjukāyaśirogrīvaṃ kūrmāsanamitīritam .. 33..

athottanakūrmāsanam .
kukkuṭāsanabandhasthaṃ karābhyāṃ dhṛtakandharam .
pīṭhaṃ kūrmavaduttānametaduttānakūrmakam .. 34..

atha maṇḍūkāsanam .
pādatalau pṛṣṭhadeśe aṅguṣṭhe dve ca saṃspṛśet .
jānuyugmaṃ puraskṛtya sādhayenmaṇḍūkāsanam .. 35..

athottanamaṇḍūkāsanam .
maṇḍūkāsanamadhyasthaṃ kūrparābhyāṃ dhṛtaṃ śiraḥ .
etadbhekavaduttānametaduttānamaṇḍūkam .. 36..

atha vṛkṣāsanam .
vāmorumūladeśe ca yāmyaṃ pādaṃ nidhāya tu .
tiṣṭhettu vṛkṣavadbhūmau vṛkṣāsanamidaṃ viduḥ .. 37..

atha garuḍāsanam .
jaṅghorubhyāṃ dharāṃ pīḍya sthirakāyo dvijānunā .
jānūpari karayugmaṃ garuḍāsanamucyate .. 38..

atha vṛṣāsanam .
yāmyagulphe pāyumūlaṃ vāmabhāge padetaram .
viparītaṃ spṛśedbhūmiṃ vṛṣāsanamidaṃ bhavet .. 39..

atha śalabhāsanam .
adhyāsya śete karayugmaṃ vakṣe bhūmimavaṣṭabhya karayostalābhyām .
pādau ca śūnye ca vitasti cordhvaṃ vadanti pīṭhaṃ śalabhaṃ munīndrāḥ .. 40..

atha makarāsanam .
adhyāsya śete hṛdayaṃ nidhāya bhūmau ca pādau ca prasāryamāṇau .
śiraśca dhṛtvā karadaṇḍayugme dehāgnikāraṃ makarāsanaṃ tat .. 41..

athoṣṭrāsanam .
adhyāsya śete padayugmavyastaṃ pṛṣṭhe nidhāyāpi dhṛtaṃ karābhyām .
ākuñcayetsamyagudarāsyagāḍhamauṣṭraṃ ca pīṭhaṃ yogino vadanti .. 42..

atha bhujaṅgāsanam .
aṅguṣṭhanābhiparyantamadhobhūmau vininyaset .
karatalābhyāṃ dharāṃ dhṛtvordhvaṃ śīrṣaṃ phaṇīva hi .. 43..

dehāgnirvardhate nityaṃ sarvarogavināśanam .
jāgarti bhujagī devī sādhanādbhujaṅgāsanam .. 44..

atha yogāsanam .
uttānau caraṇau kṛtvā saṃsthāpya jānunopari .
āsanopari saṃsthāpya cottānaṃ karayugmakam .. 45..

pūrakairvāyumākṛṣya nāsāgramavalokayet .
yogāsanaṃ bhavedetadyogināṃ yogasādhane .. 46..

iti śrīgheraṇḍasaṃhitāyāṃ maharṣigheraṇḍanṛpacaṇḍakāpālisaṃvāde
ghaṭasthayoge dvātriṃśāsanavarṇanaṃ nāma dvitīyopadeśaḥ oṃ ..

mudrāprayogo nāma tṛtīyopadeśaḥ
gheraṇḍa uvāca .
mahāmudrā nabhomudrā uḍḍīyānaṃ jalandharam .
mūlabandhaṃ mahābandhaṃ mahāvedhaśca khecarī .. 1..

viparītakarī yonirvajrolī śakticālanī .
tāḍāgī māṇḍukīmudrā śāmbhavī pañcadhāraṇā .. 2..

aśvinī pāśinī kākī mātaṅgī ca bhujaṅginī .
pañcaviṃśatimudrāśca siddhidā iha yoginām .. 3..

atha mudrāṇāṃ phalakathanam .
mudrāṇāṃ paṭalaṃ devi kathitaṃ tava saṃnidhau .
yena vijñātamātreṇa sarvasiddhiḥ prajāyate .. 4..

gopanīyaṃ prayatnena na deyaṃ yasya kasyacit .
prītidaṃ yogināṃ caiva durlabhaṃ marutāmapi .. 5.

atha mahāmudrākathanam .
pāyumūlaṃ vāmagulphe saṃpīḍya dṛḍhayatnataḥ .
yāmyapādaṃ prasāryātha kare dhṛtapadāṅgulaḥ .. 6..

kaṇṭhasaṅkocanaṃ kṛtvā bhruvormadhyaṃ nirīkṣayet .
mahāmudrābhidhā mudrā kathyate caiva sūribhiḥ .. 
(pāṭhabheda 
pūrakairvāyuṃ saṃpūrya mahāmudrā nigadyate .
tataḥ śanaiḥ śanairevaṃ recayettaṃ na vegataḥ) .. 7..

atha mahāmudrāphalakathanam .
valitaṃ palitaṃ caiva jarāṃ mṛtyuṃ nivārayet .
kṣayakāsaṃ gudāvartaṃ plīhājīrṇaṃ jvaraṃ tathā .
nāśayetsarvarogāṃśca mahāmudrā ca sādhanāt .. 8..

atha nabhomudrākathanam .
yatra yatra sthito yogī sarvakāryeṣu sarvadā .
ūrdhvajihvaḥ sthiro bhūtvā dhārayetpavanaṃ sadā .
nabhomudrā bhavedeṣā yogināṃ roganāśinī .. 9..

atha uḍḍīyānakathanam .
udare paścimaṃ tānaṃ nābherūrdhvaṃ tu kārayet .
uḍḍīnaṃ kurute yasmādaviśrāntaṃ mahākhagaḥ .
uḍḍīyānaṃ tvasau bandho mṛtyumātaṅgakesarī .. 10..

athoḍḍīyānabandhasya phalakathanam .
samagrādbandhanāddhyetaduḍḍīyānaṃ viśiṣyate .
uḍḍīyāne samabhyaste muktiḥ svābhāvikī bhavet .. 11..

atha jālandharabandhakathanam .
kaṇṭhasaṅkocanaṃ kṛtvā cibukaṃ hṛdaye nyaset .
jālandhare kṛte bandhe ṣoḍaśādhārabandhanam .
jālandharamahāmudrā mṛtyośca kṣayakāriṇī .. 12..

atha jālandharabandhasya phalakathanam .
siddhaṃ jālandharaṃ bandhaṃ yogināṃ siddhidāyakam .
ṣaṇmāsamabhyasedyo hi sa siddho nā'tra saṃśayaḥ .. 13..

atha mūlabandhakathanam .
pārṣṇinā vāmapādasya yonimākuñcayettataḥ .
nābhigranthiṃ merudaṇḍe saṃpīḍya yatnataḥ sudhīḥ .. 14..

meḍhraṃ dakṣiṇagulphe tu dṛḍhabandhaṃ samācaret .
nābherūrdhvamadhaścāpi tānaṃ kuryātprayatnataḥ .
jarāvināśinī mudrā mūlabandho nigadyate .. 15..

atha mūlabandhasya phalakathanam .
saṃsārasamudraṃ tartumabhilaṣati yaḥ pumān .
virale sugupto bhūtvā mudrāmetāṃ samabhyaset .. 16..

abhyāsādbandhanasyāsya marutsiddhirbhaveddhruvam .
sādhayedyatnatastarhi maunī tu vijitā'lasaḥ .. 17..

atha mahābandhakathanam .
vāmapādasya gulphena pāyumūlaṃ nirodhayet .
dakṣapādena tadgulphaṃ saṃpīḍya yatnataḥ sudhīḥ .. 18..

śanaiḥ śanaiścālayetpārṣṇiṃ yonimākuñcayecchanaiḥ .
jālandhare dhārayetprāṇaṃ mahābandho nigadyate .. 19..

atha mahābandhasya phalakathanam .
mahābandhaḥ paro bandho jarāmaraṇanāśanaḥ .
prasādādasya bandhasya sādhayetsarvavāñcitam .. 20..

atha mahāvedhakathanam .
rūpayauvanalāvaṇyaṃ nārīṇāṃ puruṣaṃ vinā .
mūlabandhamahābandhau mahāvedhaṃ vinā tathā .. 21..

mahābandhaṃ samāsādya uḍḍānakumbhakaṃ caret .
mahāvedhaḥ samākhyāto yogināṃ siddhidāyakaḥ .. 22..

atha mahāvedhasya phalakathanam .
mahābandhamūlabandhau mahāvedhasamanvitau .
pratyahaṃ kurute yastu sa yogī yogavittamaḥ .. 23..

na mṛtyuto bhayaṃ tasya na jarā tasya vidyate .
gopanīyaḥ prayatnena vedho'yaṃ yogipuṅgavaiḥ .. 24..

jihvā'dho nāḍīṃ sañcinnāṃ rasanāṃ cālayetsadā .
dohayennavanītena lauhayantreṇa karṣayet .. 25..

evaṃ nityaṃ samabhyāsāllambikā dīrghatāṃ vrajet .
yāvadgacchedbhruvormadhye tadā gacchati khecarī .. 26..

rasanāṃ tālumadhye tu śanaiḥ śanaiḥ praveśayet .
kapālakuhare jihvā praviṣṭā viparītagā .
bhruvormadhye gatā dṛṣṭirmudrā bhavati khecarī .. 27..

atha khecarī mudrāyāḥ phalakathanam .
na ca mūrcchā kṣudhā tṛṣṇā naivā''lasyaṃ prajāyate .
na ca rogo jarā mṛtyurdevadehaḥ sa jāyate .. 28..

na cāgnirdahate gātraṃ na śoṣayati mārutaḥ .
na dehaṃ kledayantyāpo daṃśayenna bhujaṅgamaḥ .. 29..

lāvaṇyaṃ ca bhavedgātre samādhirjāyate dhruvam .
kapālavaktrasaṃyoge rasanā rasamāpnuyāt .. 30..

nānārasasamudbhūtamānandaṃ ca dine dine .
ādau lavaṇakṣāraṃ ca tatastiktakaṣāyakam .. 31..

navanītaṃ ghṛtaṃ kṣīraṃ dadhitakramadhūni ca .
drākṣārasaṃ ca pīyūṣaṃ jāyate rasanodakam .. 32..

atha viparītakaraṇīmudrākathanam .
nābhimūle vasetsūryastālumūle ca candramāḥ .
amṛtaṃ grasate sūryastato mṛtyuvaśo naraḥ .. 33..

ūrdhvaṃ ca yojayetsūryaṃ candraṃ ca adha ānayet .
viparītakarī mudrā sarvatantreṣu gopitā .. 34..

bhūmau śiraśca saṃsthāpya karayugmaṃ samāhitaḥ .
ūrdhvapādaḥ sthiro bhūtvā viparītakarī matā .. 35..

atha viparītakaraṇīmudrāyāḥ phalakathanam .
mudrāṃ ca sādhayennityaṃ jarāṃ mṛtyuṃ ca nāśayet .
sa siddhaḥ sarvalokeṣu pralaye'pi na sīdati .. 36..

atha yonimudrākathanam .
siddhāsanaṃ samāsādya karṇākṣināsikāmukham .
aṅguṣṭhatarjanīmadhyānāmādibhiśca dhārayet .. 37..

kākībhiḥ prāṇaṃ saṅkṛṣya apāne yojayettataḥ .
ṣaṭcakrāṇi kramāddhyātvā huṃ haṃsamanunā sudhīḥ .. 38..

caitanyamānayeddevīṃ nidritā yā bhujaṅginī .
jīvena sahitāṃ śaktiṃ samutthāpya parāmbuje .. 39..

śaktimayaḥ svayaṃ bhūtvā paraṃ śivena saṅgamam .
nānāsukhaṃ vihāraṃ ca cintayetparamaṃ sukham .. 40.

śivaśaktisamāyogādekāntaṃ bhuvi bhāvayet .
ānandamānaso bhūtvā ahaṃ brahmeti sambhavet .. 41..

yonimudrā parā gopyā devānāmapi durlabhā .
sakṛttu lābhasaṃsiddhiḥ samādhisthaḥ sa eva hi .. 42..

atha yonimudrāphalakathanam .
brahmahā bhrūṇahā caiva surāpī gurutalpagaḥ .
etaiḥ pāpairna lipyeta yonimudrānibandhanāt .. 43..

yāni pāpāni ghorāṇi upapāpāni yāni ca .
tāni sarvāṇi naśyanti yonimudrānibandhanāt .
tasmādabhyasanaṃ kuryādyadi muktiṃ samicchati .. 44..

atha vajrolimudrākathanam .
dharāmavaṣṭabhya karayostalābhyā-
      mūrdhvaṃ kṣipetpādayugaṃ śiraḥ khe .
śaktiprabodhāya cirajīvanāya
      vajrolimudrāṃ munayo vadanti .. 45..

atha vajrolimudrāyāḥ phalakathanam .
ayaṃ yogo yogaśreṣṭho yogināṃ muktikāraṇam .
ayaṃ hitaprado yogo yogināṃ siddhidāyakaḥ .. 46..

etadyogaprasādena bindusiddhirbhaveddhruvam .
siddhe bindau mahāyatne kiṃ na sidhyati bhūtale .. 47..

bhogena mahatā yukto yadi mudrāṃ samācaret .
tathā'pi sakalā siddhistasya bhavati niścitam .. 48..

atha śakticālanīmudrākathanam .
mūlādhāre ātmaśaktiḥ kuṇḍalī paradevatā .
śayitā bhujagā''kārā sārdhatrivalayā'nvitā .. 49..

yāvatsā nidritā dehe tāvajjīvaḥ paśuryathā .
jñānaṃ na jāyate tāvatkoṭiyogaṃ samabhyaset .. 50..

udghāṭayetkavāṭaṃ ca yathā kuñcikayā haṭhāt .
kuṇḍalinyāḥ prabodhena brahmadvāraṃ prabhedayet .. 51..

nābhiṃ saṃveṣṭya vastreṇa na ca nagno bahiḥ sthitaḥ .
gopanīyagṛhe sthitvā śakticālanamabhyaset .. 52..

vitastipramitaṃ dīrghaṃ vistāre caturaṅgulam .
mṛdulaṃ dhavalaṃ sūkṣmaṃ veṣṭanāmbaralakṣaṇam .
evamambarayuktaṃ ca kaṭisūtreṇa yojayet .. 53..

bhasmanā gātraṃ saṃlipya siddhāsanaṃ samācaret .
nāsābhyāṃ prāṇamākṛṣya apāne yojayedbalāt .. 54..

tāvadākuñcayedguhyaṃ śanairaśvinimudrayā .
yāvadgacchetsuṣumṇāyāṃ vāyuḥ prakāśayeddhaṭhāt .. 55..

tadā vāyuprabandhena kumbhikā ca bhujaṅginī .
baddhaśvāsastato bhūtvā ūrdhvamārgaṃ prapadyate .
śabdadvayaṃ phalaikaṃ tu yonimudrāṃ ca cālayet .. 56..

vinā śakticālanena yonimudrā na sidhyati .
ādau cālanamabhyasya yonimudrāṃ samabhyaset .. 57..

iti te kathitaṃ caṇḍakapāle śakticālanam .
gopanīyaṃ prayatnena dine dine samabhyaset .. 58..

atha śakticālanīmudrāyāḥ phalakathanam .
mudreyaṃ paramā gopyā jarāmaraṇanāśinī .
tasmādabhyasanaṃ kāryaṃ yogibhiḥ siddhikāṅkṣibhiḥ .. 59..

nityaṃ yo'bhyasate yogī siddhistasya kare sthitā .
tasya vigrahasiddhiḥ syādrogāṇāṃ saṅkṣayo bhavet .. 60..

atha taḍāgīmudrākathanam .
udaraṃ paścimottānaṃ kṛtvā ca taḍāgākṛti .
taḍāgī sā parāmudrā jarāmṛtyuvināśinī .. 61..

atha māṇḍukīmudrākathanam .
mukhaṃ samudritaṃ kṛtvā jihvāmūlaṃ pracālayet .
śanairgrasedamṛtaṃ tanmāṇḍukīṃ mudrikāṃ viduḥ .. 62..

atha māṇḍukīmudrāyāḥ kathanam .
valitaṃ palitaṃ naiva jāyate nityayauvanam .
na keśe jāyate pāko yaḥ kuryānnityamāṇḍukīm .. 63..

atha śāmbhavīmudrākathanam .
netrāñjanaṃ samālokya ātmārāmaṃ nirīkṣayet .
sā bhavecchāmbhavī mudrā sarvatantreṣu gopitā .. 64..

atha śāmbhavīmudrāyāḥ phalakathanam .
vedaśāstrapurāṇāni sāmānyagaṇikā iva .
iyaṃ tu śāmbhavī mudrā guptā kulavadhūriva .. 65..

sa eva ādināthaśca sa ca nārāyaṇaḥ svayam .
sa ca brahmā sṛṣṭikārī yo mudrāṃ vetti śāmbhavīm .. 66..

satyaṃ satyaṃ punaḥ satyaṃ satyamuktaṃ maheśvaraḥ .
śāmbhavīṃ yo vijānīyātsa ca brahma na cā'nyathā .. 67..

atha pañcadhāraṇāmudrākathanam .
kathitā śāmbhavī mudrā śṛṇuṣva pañcadhāraṇām .
dhāraṇāni samāsādya kiṃ na sidhyati bhūtale .. 68..

anena naradehena svargeṣu gamanā''gamam .
manogatirbhavettasya khecaratvaṃ na cā'nyathā .. 69..

atha pārthivīdhāraṇāmudrākathanam .
yattattvaṃ haritāladeśaracitaṃ bhaumaṃ lakārā'nvitaṃ
     vedāsraṃ kamalāsanena sahitaṃ kṛtvā hṛdi sthāyinam .
prāṇaṃ tatra vilīya pañcaghaṭikāścittā'nvitaṃ dhārayed-
     eṣā stambhakarī sadā kṣitijayaṃ kuryādadhodhāraṇā .. 70..

atha pārthivīdhāraṇāmudrāyāḥ phalakathanam .
pārthivīdhāraṇāmudrāṃ yaḥ karoti ca nityaśaḥ .
mṛtyuñjayaḥ svayaṃ so'pi sa siddho vicaredbhuvi .. 71..

athā''mbhasīdhāraṇāmudrākathanam .
śaṅkhendupratimaṃ ca kundadhavalaṃ tattvaṃ kilālaṃ śubhaṃ
     tatpīyūṣavakārabījasahitaṃ yuktaṃ sadā viṣṇunā .
prāṇaṃ tatra vilīya pañcaghaṭikāścittā'nvitaṃ dhārayed-
     eṣā duḥsahatāpapāpahariṇī syādāmbhasī dhāraṇā .. 72..

athā''mbhasīdhāraṇāmudrāyāḥ phalakathanam .
āmbhasīṃ paramāṃ mudrāṃ yo jānāti sa yogavit .
jale ca gabhīre ghore maraṇaṃ tasya no bhavet .. 73..

iyaṃ tu paramā mudrā gopanīyā prayatnataḥ .
prakāśātsiddhihāniḥ syātsatyaṃ vacmi ca tattvataḥ .. 74..

athā''gneyīdhāraṇāmudrākathanam .
yannābhisthitamindragopasadṛśaṃ bījaṃ trikoṇā'nvitaṃ
     tattvaṃ tejamayaṃ pradīptamaruṇaṃ rudreṇa yatsiddhidam .
prāṇaṃ tatra vilīya pañcaghaṭikāścittā'nvitaṃ dhārayed-
     eṣā kālagabhīrabhītiharaṇī vaiśvānarī dhāraṇā .. 75..

athā''gneyīdhāraṇāmudrāyāḥ phalakathanam .
pradīpte jvalite vahnau yadi patati sādhakaḥ .
etanmudrāprasādena sa jīvati na mṛtyubhāk .. 76..

atha vāyavīdhāraṇāmudrākathanam .
yadbhinnā'ñjanapuñjasaṃnibhamidaṃ dhūmrā'vabhāsaṃ
     paraṃ tattvaṃ sattvamayaṃ yakārasahitaṃ yatreśvaro devatā .
prāṇaṃ tatra vilīya pañcaghaṭikāścittā'nvitaṃ dhārayed-
     eṣā khe gamanaṃ karoti yamināṃ syādvāyavī dhāraṇā .. 77..

atha vāyavīdhāraṇāmudrāyāḥ phalakathanam .
iyaṃ tu paramā mudrā jarāmṛtyuvināśinī .
vāyunā mriyate nā'pi khe gateśca pradāyinī .. 78..

śaṭhāya bhaktihīnāya na deyā yasya kasyacit .
datte ca siddhihāniḥ syātsatyaṃ vacmi ca caṇḍa te .. 79..

athā''kāśīdhāraṇāmudrākathanam .
yatsindhau varaśuddhavārisadṛśaṃ vyomaṃ paraṃ bhāsitaṃ
     tattvaṃ devasadāśivena sahitaṃ bījaṃ hakārā'nvitam .
prāṇaṃ tatra vilīya pañcaghaṭikāścittā'nvitaṃ dhārayed
     eṣā mokṣakavāṭabhedanakarī kuryānnabhodhāraṇām .. 80..

athā''kāśīdhāraṇāmudrāyāḥ phalakathanam .
ākāśīdhāraṇāṃ mudrāṃ yo vetti sa ca yogavit .
na mṛtyurjāyate tasya pralaye nāvasīdati .. 81..

athā'śvinīmudrākathanam .
ākuñcayedgudadvāraṃ prakāśayetpunaḥ punaḥ .
sā bhavedaśvinī mudrā śaktiprabodhakāriṇī .. 82..

athā'śvinīmudrāyāḥ phalakathanam .
aśvinī paramā mudrā guhyarogavināśinī .
balapuṣṭikarī caiva akālamaraṇaṃ haret .. 83..

atha paśinīmudrākathanam .
kaṇṭhapṛṣṭe kṣipetpādau pāśavaddṛḍhabandhanam .
saiva syātpāśinī mudrā śaktiprabodhakāriṇī .. 84..

atha paśinīmudrāyāḥ phalakathanam .
pāśinī mahatī mudrā balapuṣṭividhāyinī .
sādhanīyā prayatnena sādhakaiḥ siddhikāṅkṣibhiḥ .. 85..

atha kākīmudrākathanam .
kākacañcuvadāsyena pibedvāyuṃ śanaiḥ śanaiḥ .
kākī mudrā bhavedeṣā sarvarogavināśinī .. 86..

atha kākīmudrāyāḥ phalakathanam .
kākīmudrā parā mudrā sarvatantreṣu gopitā .
asyāḥ prasādamātreṇa na rogī kākavadbhavet .. 87..

atha mātaṅginīmudrākathanam .
kaṇṭhamagne jale sthitvā nāsābhyāṃ jalamāharet .
mukhānnirgamayetpaścātpunarvaktreṇa cā''haret .. 88..

nāsābhyāṃ recayetpaścātkuryādevaṃ punaḥ punaḥ .
mātaṅginī parā mudrā jarāmṛtyuvināśinī .. 89..

atha mātaṅginīmudrāyāḥ phalakathanam .
virale nirjane deśe sthitvā caikāgramānasaḥ .
kuryānmātaṅginīṃ mudrāṃ mātaṅga iva jāyate .. 90..

yatra yatra sthito yogī sukhamatyantamaśnute .
tasmātsarvaprayatnena sādhayenmudrikāṃ parām .. 91..

atha bhujaṅginīmudrākathanam .
vaktraṃ kiñcitsuprasārya cā'nilaṃ galayā pibet .
sā bhavedbhujaṅgī mudrā jarāmṛtyuvināśinī .. 92..

atha bhujaṅginīmudrāyāḥ phalakathanam .
yāvacca udare rogā ajīrṇādi viśeṣataḥ .
tatsarvaṃ nāśayedāśu yatra mudrā bhujaṅginī .. 93..

sarve rogā vinaśyanti bhujaṅgīmudrayā dhruvam .
yogasiddhipradā ceyaṃ proktā yogaparāyaṇaiḥ ..

atha mudrāṇāṃ phalakathanam .
idaṃ tu mudrāpaṭalaṃ kathitaṃ caṇḍa te śubham .
vallabhaṃ sarvasiddhānāṃ jarāmaraṇanāśanam .. 94..

śaṭhāya bhaktihīnāya na deyaṃ yasya kasyacit .
gopanīyaṃ prayatnena durlabhaṃ marutāmapi .. 95..

ṛjave śāntacittāya gurubhaktiparāya ca .
kulīnāya pradātavyaṃ bhogamuktipradāyakam .. 96..

mudrāṇāṃ paṭalaṃ hyetatsarvavyādhivināśanam .
nityamabhyāsaśīlasya jaṭharāgnivivardhanam .. 97..

na tasya jāyate mṛtyurnāsya jarādikaṃ tathā .
nāgnijalabhayaṃ tasya vāyorapi kuto bhayam .. 98..

kāsaḥ śvāsaḥ plīhā kuṣṭhaṃ śleṣmarogāśca viṃśatiḥ .
mudrāṇāṃ sādhanāccaiva vinaśyanti na saṃśayaḥ .. 99..

bahunā kimihoktena sāraṃ vacmi ca caṇḍa te .
nāsti mudrāsamaṃ kiñcitsiddhidaṃ kṣitimaṇḍale .. 100..

iti śrīgheraṇḍasaṃhitāyāṃ gheraṇḍacaṇḍakāpālisaṃvāde ghaṭasthayogaprakaraṇe
mudrāprayogo nāma tṛtīyopadeśaḥ oṃ ..

pratyāhāraprayogo nāma caturthopadeśaḥ
gheraṇḍa uvāca .
athā'taḥ saṃpravakṣyāmi pratyāhāramanuttamam .
yasya vijñānamātreṇa kāmādiripunāśanam .. 1..

yato yato niścarati manaścañcalamasthiram .
tatastato niyamyaitadātmanyeva vaśaṃ nayet .. 2..

yatra yatra gatā dṛṣṭirmanastatra pragacchati .
tataḥ pratyāharedetadātmanyeva vaśaṃ nayet .. 3..

puraskāraṃ tiraskāraṃ suśrāvyaṃ duḥśrutaṃ tathā .
manastasmānniyamyaitadātmanyeva vaśaṃ nayet .. 4..

śītaṃ vā'pi tathā coṣṇaṃ yanmanaḥsparśayogataḥ .
tasmātpratyāharedetadātmanyeva vaśaṃ nayet .. 5..

madhurāmlakatiktādirasaṃ gataṃ yadā manaḥ .
tasmātpratyāharedetadātmanyeva vaśaṃ nayet .. 6..

sugandhe vā'pi durgandhe ghrāṇeṣu jāyate manaḥ .
tasmātpratyāharedetadātmanyeva vaśaṃ nayet .. 7..

śabdādiṣvanuraktāni nigṛhyākṣāṇi yogavit .
kuryāccittānucārīṇi pratyāhāraparāyaṇaḥ .. 8..

vaśyatā paramā tena jāyate'ticalātmanām .
indriyāṇāmavaśyaistairna yogī yogasādhakaḥ .. 9..

prāṇāyāmairdaheddoṣāndhāraṇābhiśca kilbiṣam .
pratyāhāreṇa viṣayāndhyānenānīśvarāṅguṇān .. 10..

yathā parvatadhātūnāṃ doṣā dahyanti dhāmyatām .
tathendriyakṛtā doṣā dahyante prāṇanigrahāt .. 11..

samaḥ samāsano bhūtvā saṃhṛtya caraṇāvubhau .
saṃvṛtāsyastathaivorū samyagviṣṭabhya cāgrataḥ .. 12..

pārṣṇibhyāṃ liṅgavṛṣaṇāvaspṛśanprayataḥ sthitaḥ .
kiñcidunnāmitaśirā dantairdantānna saṃspṛśet .
saṃpaśyannāsikāgraṃ svaṃ diśaścānavalokayan .. 13..

rajasā tamaso vṛttiṃ sattvena rajasastathā .
sañcādya nirmale sattve sthito yuñjīta yogavit .. 14..

indriyāṇīndriyārthebhyaḥ prāṇādīnmana eva ca .
nigṛhya samavāyena pratyāhāramupakramet .. 15..

yastu pratyāharetkāmānsarvāṅgānīva kacchapaḥ .
sadātmaratirekasthaḥ paśyatyātmānamātmani .. 16..

sa bāhyābhyantaraṃ śaucaṃ niṣpādyākaṇṭhanābhitaḥ .
pūrayitvā budho dehaṃ pratyāhāramupakramet .. 17..

tathā vai yogayuktasya yogino niyatātmanaḥ .
sarve doṣāḥ praṇaśyanti svasthaścaivopajāyate .. 18..

iti śrīgheraṇḍasaṃhitāyāṃ gheraṇḍacaṇḍasaṃvāde ghaṭasthayoge
pratyāhāraprayogo nāma caturthopadeśaḥ oṃ ..

prāṇāyāmaprayogo nāma pañcamopadeśaḥ
gheraṇḍa uvāca .
athā'taḥ saṃpravakṣyāmi prāṇāyāmasya yadvidhim .
yasya sādhanamātreṇa devatulyo bhavennaraḥ .. 1..

ādau sthānaṃ tathā kālaṃ mitā'hāraṃ tathāparam .
nāḍīśuddhiṃ tataḥ paścātprāṇāyāmaṃ ca sādhayet .. 2..

atha sthānanirṇayaḥ .
dūradeśe tathā'raṇye rājadhānyāṃ janāntike .
yogārambhaṃ na kurvīta kṛtaścetsiddhihā bhavet .. 3..

aviśvāsaṃ dūradeśe araṇye rakṣivarjitam .
lokāraṇye prakāśaśca tasmāttrīṇi vivarjayet .. 4..

sudeśe dhārmike rājye subhikṣe nirupadrave .
tatraikaṃ kuṭiraṃ kṛtvā prācīraiḥ pariveṣṭitam .. 5..

vāpīkūpataḍāgaṃ ca prācīramadhyavarti ca .
nātyuccaṃ nātinimnaṃ ca kuṭiraṃ kīṭavarjitam .. 6..

samyaggomayaliptaṃ ca kuṭiraṃ tatra nirmitam .
evaṃ sthāne hi gupte ca prāṇāyāmaṃ samabhyaset .. 7..

atha kālanirṇayaḥ .
hemante śiśire grīṣme varṣāyāṃ ca ṛtau tathā .
yogārambhaṃ na kurvīta kṛte yogo hi rogadaḥ .. 8..

vasante śaradi proktaṃ yogārambhaṃ samācaret .
tathā yogī bhavetsiddho rogānmukto bhaveddhruvam .. 9..

caitrādiphālgunānte ca māghādiphālgunāntike .
dvau dvau māsāvṛtubhāgāvanubhāvaścatuścatuḥ .. 10..

vasantaścaitravaiśākhau jyeṣṭhāṣāḍhau ca grīṣmakau .
varṣā śrāvaṇabhādrābhyāṃ śaradāśvinakārtikau .
mārgapauṣau ca hemantaḥ śiśiro māghaphālgunau .. 11..

anubhāvaṃ pravakṣyāmi ṛtūnāṃ ca yathoditam .
māghādimādhavānteṣu vasantānubhavaṃ viduḥ .. 12..

caitrādi cāṣāḍhāntaṃ ca nidāghānubhavaṃ viduḥ .
āṣāḍhādi cāśvināntaṃ prāvṛṣānubhavaṃ viduḥ .. 13..

bhādrādimārgaśīrṣāntaṃ śarado'nubhavaṃ viduḥ .
kārtikādimāghamāsāntaṃ hemantānubhavaṃ viduḥ .
mārgādicaturo māsāñśiśirānubhavaṃ viduḥ .. 14..

vasante vāpi śaradi yogārambhaṃ samācaret .
tadā yogī bhavetsiddho vinā''yāsena kathyate .. 15..

atha mitāhāraḥ .
mitāhāraṃ vinā yastu yogārambhaṃ tu kārayet .
nānārogo bhavettasya kiñcidyogo na sidhyati .. 16..

śālyannaṃ yavapiṣṭaṃ vā godhūmapiṣṭakaṃ tathā .
mudgaṃ māṣacaṇakādi śubhraṃ ca tuṣavarjitam .. 17..

paṭolaṃ panasaṃ mānaṃ kakkolaṃ ca śukāśakam .
drāḍhikāṃ karkaṭīṃ rambhāṃ ḍumbarīṃ kaṇṭakaṇṭakam .. 18..

āmarambhāṃ bālarambhāṃ rambhādaṇḍaṃ ca mūlakam .
vārtākīṃ mūlakamṛddhiṃ yogī bhakṣaṇamācaret .. 19..

bālaśākaṃ kālaśākaṃ tathā paṭolapatrakam .
pañcaśākaṃ praśaṃsīyādvāstūkaṃ hilamocikām .. 20..

śuddhaṃ sumadhuraṃ snigdhamudarārdhavivarjitam .
bhujyate surasaṃ prītyā mitāhāramimaṃ viduḥ .. 21..

annena pūrayedardhaṃ toyena tu tṛtīyakam .
udarasya turīyāṃśaṃ saṃrakṣedvāyucāraṇe .. 22..

kaṭvamlaṃ lavaṇaṃ tiktaṃ bhṛṣṭaṃ ca dadhi takrakam .
śākotkaṭaṃ tathā madyaṃ tālaṃ ca panasaṃ tathā .. 23..

kulatthaṃ masūraṃ pāṇḍuṃ kūṣmāṇḍaṃ śākadaṇḍakam .
tumbīkolakapitthaṃ ca kaṇṭabilvaṃ palāśakam .. 24..

kadambaṃ jambīraṃ bimbaṃ lakucaṃ laśunaṃ viṣam .
kāmaraṅgaṃ piyālaṃ ca hiṅguśālmalikemukam .. 25..

yogārambhe varjayecca pathastrīvahnisevanam .. 26..

navanītaṃ ghṛtaṃ kṣīraṃ guḍaṃ śarkarādi caikṣavam .
pakvarambhāṃ nārikelaṃ dāḍimbamaśivāsavam .
drākṣāṃ tu lavanīṃ dhātrīṃ rasamamlavivarjitam .. 27..

elājātilavaṅgaṃ ca pauruṣaṃ jambujāmbalam .
harītakīṃ kharjūraṃ ca yogī bhakṣaṇamācaret .. 28..

laghupākaṃ priyaṃ snigdhaṃ tathā dhātuprapoṣaṇam .
mano'bhilaṣitaṃ yogyaṃ yogī bhojanamācaret .. 29..

kāṭhinyaṃ duritaṃ pūtimuṣṇaṃ paryuṣitaṃ tathā .
atiśītaṃ cāti coṣṇaṃ bhakṣyaṃ yogī vivarjayet .. 30..

prātaḥsnānopavāsādikāyakleśavidhiṃ tathā .
ekāhāraṃ nirāhāraṃ yāmānte ca na kārayet .. 31..

evaṃ vidhividhānena prāṇāyāmaṃ samācaret .
ārambhe prathame kuryātkṣīrājyaṃ nityabhojanam .
madhyāhne caiva sāyāhne bhojanadvayamācaret .. 32..

atha nāḍīśuddhiḥ .
kuśāsane mṛgājine vyāghrājine ca kambale .
sthalāsane samāsīnaḥ prāṅmukho vāpyudaṅmukhaḥ .
nāḍīśuddhiṃ samāsādya prāṇāyāmaṃ samabhyaset .. 33..

caṇḍakāpāliruvāca .
nāḍīśuddhiṃ kathaṃ kuryānnāḍīśuddhistu kīdṛśī .
tatsarvaṃ śrotumicchāmi tadvadasva dayānidhe .. 34..

gheraṇḍa uvāca .
malākulāsu nāḍīṣu māruto naiva gacchati .
prāṇāyāmaḥ kathaṃ sidhyettattvajñānaṃ kathaṃ bhavet .
tasmādādau naḍīśuddhiṃ prāṇāyāmaṃ tato'bhyaset .. 35..

nāḍīśuddhirdvidhā proktā samanurnirmanustathā .
bījena samanuṃ kuryānnirmanuṃ dhautikarmaṇā .. 36..

dhautikarma purā proktaṃ ṣaṭkarmasādhane yathā .
śṛṇuṣva samanuṃ caṇḍa nāḍīśuddhiryathā bhavet .. 37..

upaviśyāsane yogī padmāsanaṃ samācaret .
gurvādinyāsanaṃ kuryādyathaiva gurubhāṣitam .
nāḍīśuddhiṃ prakurvīta prāṇāyāmaviśuddhaye .. 38..

vāyubījaṃ tato dhyātvā dhūmravarṇaṃ satejasam .
candreṇa pūrayedvāyuṃ bījaṣoḍaśakaiḥ sudhīḥ .. 39..

catuḥṣaṣṭyā mātrayā ca kumbhakenaiva dhārayet .
dvātriṃśanmātrayā vāyuṃ sūryanāḍyā ca recayet .. 40..

nābhimūlādvahnimutthāpya dhyāyettejo'vanīyutam .
vahnibījaṣoḍaśena sūryanāḍyā ca pūrayet .. 41..

catuḥṣaṣṭyā mātrayā ca kumbhakenaiva dhārayet .
dvātriṃśanmātrayā vāyuṃ śaśināḍyā ca recayet .. 42..

nāsāgre śaśadhṛgbimbaṃ dhyātvā jyotsnāsamanvitam .
ṭhaṃ bījaṃ ṣoḍaśenaiva iḍayā pūrayenmarut .. 43..

catuḥṣaṣṭyā mātrayā ca vaṃ bījenaiva dhārayet .
amṛtaṃ plāvitaṃ dhyātvā nāḍīdhautaṃ vibhāvayet .
lakāreṇa dvātriṃśena dṛḍhaṃ bhāvyaṃ virecayet .. 44..

evaṃvidhāṃ nāḍīśuddhiṃ kṛtvā nāḍīṃ viśodhayet .
dṛḍho bhūtvā''sanaṃ kṛtvā prāṇāyāmaṃ samācaret .. 45..

sahitaḥ sūryabhedaśca ujjāyī śītalī tathā .
bhastrikā bhrāmarī mūrcchā kevalī cā'ṣṭakumbhikāḥ .. 46..

sahito dvividhaḥ proktaḥ sagarbhaśca nigarbhakaḥ .
sagarbho bījamuccārya nigarbho bījavarjitaḥ .. 47..

prāṇāyāmaṃ sagarbhaṃ ca prathamaṃ kathayāmi te .
sukhā''sane copaviśya prāṅmukho vā'pyudaṅmukhaḥ .
dhyāyedvidhiṃ rajoguṇaṃ raktavarṇamavarṇakam .. 48..

iḍayā pūrayedvāyuṃ mātrayā ṣoḍaśaiḥ sudhīḥ .
pūrakānte kumbhakādye kartavyastūḍḍiyānakaḥ .. 49..

sattvamayaṃ hariṃ dhyātvā ukāraṃ kṛṣṇavarṇakam .
catuḥṣaṣṭyā ca mātrayā kumbhakenaiva dhārayet .
kumbhakānte recakādye kartavyaṃ ca jālandharam .. 50..

tamomayaṃ śivaṃ dhyātvā makāraṃ śuklavarṇakam .
dvātriṃśanmātrayā caiva recayedvidhinā punaḥ .. 51..

punaḥ piṅgalayā''pūrya kumbhakenaiva dhārayet .
iḍayā recayetpaścāttadbījena krameṇa tu .. 52..

anulomavilomena vāraṃ vāraṃ ca sādhayet .
pūrakānte kumbhakāntaṃ dhṛtanāsāpuṭadvayam .
kaniṣṭhā'nāmikā'ṅguṣṭhaistarjanīmadhyame vinā .. 53..

prāṇāyāmo nigarbhastu vinā bījena jāyate .
vāmajānūparinyastavāmapāṇitalaṃ bhramet .
mātrādiśataparyantaṃ pūrakumbhakarecanam .. 54..


%prāṇāyāmo hi sahito gāyatryāpi susidhyati .
%karmakāṇḍe vidheyo'sau nānyatra kvacidāṣyate ..

%kevalairbījamantrairvā kevalapraṇavena vā .
%ārurukṣoryogino hi kṛto'yaṃ śivado bhavet ..

uttamā viṃśatirmātrā ṣoḍaśī mātrā madhyamā .
adhamā dvādaśī mātrā prāṇāyāmāstridhā smṛtāḥ .. 55..

adhamājjāyate gharmo merukampaśca madhyamāt .
uttamācca bhūmityāgastrividhaṃ siddhilakṣaṇam .. 56..

prāṇāyāmātkhecaratvaṃ prāṇāyāmādroganāśanam .
prāṇāyāmādbodhayecchaktiṃ prāṇāyāmānmanonmanī .
ānando jāyate citte prāṇāyāmī sukhī bhavet .. 57..

atha sūryabhedakumbhakaḥ .
gheraṇḍa uvāca .
kathitaṃ sahitaṃ kumbhaṃ sūryabhedanakaṃ śṛṇu .
pūrayetsūryanāḍyā ca yathāśakti bahirmarut .. 58..

dhārayedbahuyatnena kumbhakena jalandharaiḥ .
yāvatsvedaṃ nakhakeśābhyāṃ tāvatkurvantu kumbhakam .. 59..

prāṇo'pānaḥ samānaścodānavyānau tathaiva ca .
nāgaḥ kūrmaśca kṛkaro devadatto dhanañjayaḥ .. 60..

hṛdi prāṇo vahennityamapāno gudamaṇḍale .
samāno nābhideśe tu udānaḥ kaṇṭhamadhyagaḥ .. 61..

vyāno vyāpya śarīre tu pradhānāḥ pañca vāyavaḥ .
prāṇādyāḥ pañca vikhyātā nāgādyāḥ pañca vāyavaḥ .. 62..

teṣāmapi ca pañcānāṃ sthānāni ca vadāmyaham .
udgāre nāga ākhyātaḥ kūrmastūnmīlane smṛtaḥ .. 63..

kṛkaraḥ kṣutkṛte jñeyo devadatto vijṛmbhaṇe .
na jahāti mṛte kvā'pi sarvavyāpī dhanañjayaḥ .. 64..

nāgo gṛhṇāti caitanyaṃ kūrmaścaiva nimeṣaṇam .
     kṣuttṛṣaṃ kṛkaraścaiva jṛmbhaṇaṃ caturthena tu .
bhaveddhanañjayācchabdaṃ kṣaṇamātraṃ na niḥsaret
     cittaṃ dhanañjayaḥ śabdaṃ lakṣamātraṃ na vismaret .. 65..

atha sūryabhedakaḥ kumbhakaḥ .
sarve te sūryasambhinnā nābhimūlātsamuddharet .
iḍayā recayetpaścāddhairyeṇā'khaṇḍavegataḥ .. 66..

punaḥ sūryeṇa cā'kṛṣya kumbhayitvā yathāvidhi .
recayitvā sādhayettu krameṇa ca punaḥ punaḥ .. 67..

kumbhakaḥ sūryabhedastu jarāmṛtyuvināśakaḥ .
bodhayetkuṇḍalīṃ śaktiṃ dehānalaṃ vivardhayet .
iti te kathitaṃ caṇḍa sūryabhedanamuttamam .. 68..

atha ujjāyī kumbhakaḥ .
nāsābhyāṃ vāyumākṛṣya mukhamadhye ca dhārayet .
hṛdgalābhyāṃ samākṛṣya vāyuṃ vaktre ca dhārayet .. 69..

mukhaṃ praphullaṃ saṃrakṣya kuryājjālandharaṃ tataḥ .
āśakti kumbhakaṃ kṛtvā dhārayedavirodhataḥ .. 70..

ujjāyīkumbhakaṃ kṛtvā sarvakāryāṇi sādhayet .
na bhavetkapharogaśca krūravāyurajīrṇakam .. 71..

āmavātaḥ kṣayaḥ kāso jvaraplīhā na vidyate .
jarāmṛtyuvināśāya cojjāyīṃ sādhayennaraḥ .
naśyanti sakalā rogāḥ sādhanādasya niścitam .. 72..

atha śītalīkumbhakaḥ .
jihvayā vāyumākṛṣya udare pūrayecchanaiḥ .
kṣaṇaṃ ca kumbhakaṃ kṛtvā nāsābhyāṃ recayetpunaḥ .. 73..

sarvadā sādhayedyogī śītalīkumbhakaṃ śubham .
ajīrṇaṃ kaphapittaṃ ca naiva tasya prajāyate .. 74..

atha bhastrikākumbhakaḥ .
bhastraiva lohakārāṇāṃ yathākrameṇa sambhramet .
tathā vāyuṃ ca nāsābhyāmubhābhyāṃ cālayecchanaiḥ .. 75..

evaṃ viṃśativāraṃ ca kṛtvā kuryācca kumbhakam .
tadante cālayedvāyuṃ pūrvoktaṃ ca yathāvidhi .. 76..

trivāraṃ sādhayedenaṃ bhastrikākumbhakaṃ sudhīḥ .
na ca rogo na ca kleśa ārogyaṃ ca dine dine .. 77..

atha bhrāmarīkumbhakaḥ .
ardharātre gate yogī jantūnāṃ śabdavarjite .
karṇau pidhāya hastābhyāṃ kuryātpūrakakumbhakam .. 78..

śṛṇuyāddakṣiṇe karṇe nādamantargataṃ śubham .
prathamaṃ ziṃzīnādaṃ ca vaṃśīnādaṃ tataḥ param .. 79..

meghazarzarabhrāmarī ghaṇṭākāṃsyaṃ tataḥ param .
turībherīmṛdaṅgādininādānakadundubhiḥ .. 80..

evaṃ nānāvidho nādo jāyate nityamabhyasāt .
anāhatasya śabdasya tasya śabdasya yo dhvaniḥ .. 81..

dhvanerantargataṃ jyotirjyotirantargataṃ manaḥ .
tanmano vilayaṃ yāti tadviṣṇoḥ paramaṃ padam .
evaṃ bhrāmarīsaṃsiddhiḥ samādhisiddhimāpnuyāt .. 82..

japādaṣṭaguṇaṃ dhyānaṃ dhyānādaṣṭaguṇaṃ tapaḥ .
tapaso'ṣṭaguṇaṃ gānaṃ gānātparataraṃ nahi ..

atha mūrcchākumbhakaḥ .
sukhena kumbhakaṃ kṛtvā manaśca bhruvorantaram .
santyajya viṣayānsarvānmanomūrcchā sukhapradā .
ātmani manaso yogādānando jāyate dhruvam .. 83..

evaṃ nānāvidhā''nando jāyate nityamabhyāsāt .
evamabhyāsayogena samādhisiddhimāpnuyāt .. 84..

mūrcchāprāṇāyāmato'smātpratyāhāraḥ susidhyati .
vāsanāyāḥ kṣayastattvajñānakāryaṃ manolayaḥ ..

anena prāṇāyāmena manonāśo bhavatyalam .
sarvādhivyādhivilaye mahauṣadhamayaṃ dhruvam ..

bhujaṅginyāḥ śvāsavaśādajapā jāyate nanu .
haṅkāreṇa bahiryāti saḥkāreṇa viśetpunaḥ .. 85..

ṣaṭśatāni divārātrau sahasrāṇyekaviṃśatiḥ .
ajapāṃ nāma gāyatrīṃ jīvo japati sarvadā .. 86..

mūlā''dhāre yathā haṃsastathā hi hṛdi paṅkaje .
tathā nāsāpuṭadvandve tribhirhaṃsasamāgamaḥ .. 87..

ṣaṇṇavatyaṅgulīmānaṃ śarīraṃ karmarūpakam .
dehādbahirgato vāyuḥ svabhāvāddvādaśāṅguliḥ .. 88..

gāyane ṣoḍaśāṅgulyo bhojane viṃśatistathā .
caturviṃśāṅguliḥ panthe nidrāyāṃ triṃśadaṅguliḥ .
maithune ṣaṭtriṃśaduktaṃ vyāyāme ca tato'dhikam .. 89..

svabhāve'sya gaternyūne paramāyuḥ pravardhate .
āyuḥkṣayo'dhike prokto mārute cā'ntarādgate .. 90..

tasmātprāṇe sthite dehe maraṇaṃ naiva jāyate .
vāyunā ghaṭasambandhe bhavetkevalakumbhakam .. 91..

yāvajjīvaṃ japenmantramajapāsaṅkhyakevalam saṅkhyā dviguṇā .
adyāvadhi dhṛtaṃ saṅkhyāvibhramaṃ kevalīkṛte .. 92..

ata eva hi kartavyaḥ kevalīkumbhako naraiḥ .
kevalī cā'japāsaṅkhyā dviguṇā ca manonmanī .. 93..

nāsābhyāṃ vāyumākṛṣya kevalaṃ kumbhakaṃ caret .
ekādikacatuḥṣaṣṭiṃ dhārayetprathame dine .. 94..

kevalīmaṣṭadhā kuryādyāme yāme dine dine .
athavā pañcadhā kuryādyathā tatkathayāmi te .. 95..

prātarmadhyāhnasāyāhne madhye rātricaturthake .
trisandhyamathavā kuryātsamamāne dine dine .. 96..

pañcavāraṃ dine vṛddhirvāraikaṃ ca dine tathā .
ajapāparimāṇaṃ ca yāvatsiddhiḥ prajāyate .. 97..

prāṇāyāmaṃ kevalīṃ ca tadā vadati yogavit .
kevalīkumbhake siddhe kiṃ na sidhyati bhūtale .. 98..

iti śrīgheraṇḍasaṃhitāyāṃ gheraṇḍacaṇḍasaṃvāde ghaṭasthayogaprakaraṇe
prāṇāyāmaprayogo nāma pañcamopadeśaḥ oṃ ..

dhyānayogo nāma ṣaṣṭhopadeśaḥ
gheraṇḍa uvāca .
sthūlaṃ jyotistathā sūkṣmaṃ dhyānasya trividhaṃ viduḥ .
sthūlaṃ mūrtimayaṃ proktaṃ jyotistejomayaṃ tathā .
sūkṣmaṃ bindumayaṃ brahma kuṇḍalīparadevatā .. 1..

atha sthūladhyānam .
svakīyahṛdaye dhyāyetsudhāsāgaramuttamam .
tanmadhye ratnadvīpaṃ tu suratnavālukāmayam .. 2..

caturdikṣu nīpataruṃ bahupuṣpasamanvitam .
nīpopavanasaṅkulairveṣṭitaṃ parikhā iva .. 3..

mālatīmallikājātīkesaraiścampakaistathā .
pārijātaiḥ sthalapadmairgandhāmoditadiṅmukhaiḥ .. 4..

tanmadhye saṃsmaredyogī kalpavṛkṣaṃ manoharam .
catuḥśākhācaturvedaṃ nityapuṣpaphalānvitam .. 5..

bhramarāḥ kokilāstatra guñjanti nigadanti ca .
dhyāyettatra sthiro bhūtvā mahāmāṇikyamaṇḍapam .. 6..

tanmadhye tu smaredyogī paryaṅkaṃ sumanoharam .
tatreṣṭadevatāṃ dhyāyedyaddhyānaṃ gurubhāṣitam .. 7..

yasya devasya yadrūpaṃ yathā bhūṣaṇavāhanam .
tadrūpaṃ dhyāyate nityaṃ sthūladhyānamidaṃ viduḥ .. 8..

prakārāntaram .
sahasrāre mahāpadme karṇikāyāṃ vicintayet .
vilagnasahitaṃ padmaṃ dvādaśairdalasaṃyutam .. 9..

śuklavarṇaṃ mahātejo dvādaśairbījabhāṣitam .
hasakṣamalavarayuṃ hasakhaphreṃ yathākramam .. 10..

tanmadhye karṇikāyāṃ tu akathādirekhātrayam .
hal̤akṣakoṇasaṃyuktaṃ praṇavaṃ tatra vartate .. 11..

nādabindumayaṃ pīṭhaṃ dhyāyettatra manoharam .
tatropari haṃsayugmaṃ pādukā tatra vartate .. 12..

dhyāyettatra guruṃ devaṃ dvibhujaṃ ca trilocanam .
śvetāmbaradharaṃ devaṃ śuklagandhānulepanam .. 13..

śuklapuṣpamayaṃ mālyaṃ raktaśaktisamanvitam .
evaṃvidhagurudhyānātsthūladhyānaṃ prasidhyati .. 14..

atha jyotirdhyānam .
gheraṇḍa uvāca .
kathitaṃ sthūladhyānaṃ tu tejodhyānaṃ śṛṇuṣva me .
yaddhyānena yogasiddhirātmapratyakṣameva ca .. 15..

mūlā''dhāre kuṇḍalinī bhujagākārarūpiṇī .
jīvā''tmā tiṣṭhati tatra pradīpakalikākṛtiḥ .
dhyāyettejomayaṃ brahma tejodhyānaṃ parātparam .. 16..

prakārāntaram .
nābhimūle sthitaṃ sūryamaṇḍalaṃ vahnisaṃyutam .
dhyāyettejo mahadvyāptaṃ tejodhyānaṃ tadeva hi .. 17..

prakārāntaram .
bhruvormadhye manordhve ca yattejaḥ praṇavā''tmakam .
dhyāyejjvālā''valīyuktaṃ tejodhyānaṃ tadeva hi .. 18..

atha sūkṣmadhyānam .
gheraṇḍa uvāca .
tejodhyānaṃ śrutaṃ caṇḍa sūkṣmadhyānaṃ śṛṇuṣva me .
bahubhāgyavaśādyasya kuṇḍalī jāgratī bhavet .. 19..

ātmanā saha yogena netrarandhrādvinirgatā .
viharedrājamārge ca cañcalatvānna dṛśyate .. 20..

śāmbhavīmudrayā yogī dhyānayogena sidhyati .
sūkṣmadhyānamidaṃ gopyaṃ devānāmapi durlabham .. 21..

sthūladhyānācchataguṇaṃ tejodhyānaṃ pracakṣate .
tejodhyānāllakṣaguṇaṃ sūkṣmadhyānaṃ parātparam .. 22..

iti te kathitaṃ caṇḍa dhyānayogaṃ sudurlabham .
ātmā sākṣādbhavedyasmāttasmāddhyānaṃ viśiṣyate .. 23..

iti śrīgheraṇḍasaṃhitāyāṃ gheraṇḍacaṇḍasaṃvāde ghaṭasthayoge
saptasādhane dhyānayogo nāma ṣaṣṭhopadeśaḥ oṃ ..

samādhiyogo nāma saptamopadeśaḥ
gheraṇḍa uvāca .
samādhiśca paro yogo bahubhāgyena labhyate .
guroḥ kṛpāprasādena prāpyate gurubhaktitaḥ .. 1..

vidyāpratītiḥ svagurupratītirātmapratītirmanasaḥ prabodhaḥ .
dine dine yasya bhavetsa yogī suśobhanābhyāsamupaiti sadyaḥ .. 2..

ghaṭādbhinnaṃ manaḥ kṛtvā aikyaṃ kuryātparātmani .
samādhiṃ taṃ vijānīyānmuktasaṃjño daśādibhiḥ .. 3..

ahaṃ brahma na cānyo'smi brahmaivāhaṃ na śokabhāk .
saccidānandarūpo'haṃ nityamuktaḥ svabhāvavān .. 4..

śāmbhavyā caiva bhrāmaryā khecaryā yonimudrayā .
dhyānaṃ nādaṃ rasānandaṃ layasiddhiścaturvidhā .. 5..

pañcadhā bhaktiyogena manomūrcchā ca ṣaḍvidhā .
ṣaḍvidho'yaṃ rājayogaḥ pratyekamavadhārayet .. 6..

atha dhyānayogasamādhiḥ .
śāmbhavīṃ mudrikāṃ kṛtvā ātmapratyakṣamānayet .
bindu brahmamayaṃ dṛṣṭvā manastatra niyojayet .. 7..

khamadhye kuru cātmānamātmamadhye ca khaṃ kuru .
ātmānaṃ khamayaṃ dṛṣṭvā na kiñcidapi bādhate .
sadānandamayo bhūtvā samādhistho bhavennaraḥ .. 8..

atha nādayogasamādhiḥ .
anilaṃ mandavegena bhrāmarīkumbhakaṃ caret .
mandaṃ mandaṃ recayedvāyuṃ bhṛṅganādaṃ tato bhavet .. 9..

antaḥsthaṃ bhramarīnādaṃ śrutvā tatra mano nayet .
samādhirjāyate tatra ānandaḥ so'hamityataḥ .. 10..

atha rasanānandayogasamādhiḥ .
khecarīmudrāsādhanādrasanordhvagatā yadā .
tadā samādhisiddhiḥ syāddhitvā sādhāraṇakriyām .. 11..

atha layasiddhiyogasamādhiḥ .
yonimudrāṃ samāsādya svayaṃ śaktimayo bhavet .
suśṛṅgārarasenaiva viharetparamātmani .. 12..

ānandamayaḥ sambhūtvā aikyaṃ brahmaṇi sambhavet .
ahaṃ brahmeti cā'dvaitaṃ samādhistena jāyate .. 13..

atha bhaktiyogasamādhiḥ .
svakīyahṛdaye dhyāyediṣṭadevasvarūpakam .
cintayedbhaktiyogena paramāhlādapūrvakam .. 14..

ānandāśrupulakena daśābhāvaḥ prajāyate .
samādhiḥ sambhavettena sambhavecca manonmanī .. 15..

atha rājayogasamādhiḥ .
manomūrcchāṃ samāsādya mana ātmani yojayet .
parātmanaḥ samāyogātsamādhiṃ samavāpnuyāt .. 16..

atha samādhiyogamāhātmyam .
iti te kathitaṃ caṇḍa samādhirmuktilakṣaṇam .
rājayogaḥ samādhiḥ syādekātmanyeva sādhanam .
unmanī sahajāvasthā sarve caikātmavācakāḥ .. 17..

jale viṣṇuḥ sthale viṣṇurviṣṇuḥ parvatamastake .
jvālāmālākule viṣṇuḥ sarvaṃ viṣṇumayaṃ jagat .. 18..

bhūcarāḥ khecarāścāmī yāvanto jīvajantavaḥ .
vṛkṣagulmalatāvallītṛṇādyā vāriparvatāḥ .
sarvaṃ brahma vijānīyātsarvaṃ paśyati cātmani .. 19..

ātmā ghaṭasthacaitanyamadvaitaṃ śāśvataṃ param .
ghaṭādvibhinnato jñātvā vītarāgaṃ vivāsanam .. 20..

evaṃ mithaḥ samādhiḥ syātsarvasaṅkalpavarjitaḥ .
svadehe putradārādibāndhaveṣu dhanādiṣu .
sarveṣu nirmamo bhūtvā samādhiṃ samavāpnuyāt .. 21..

tattvaṃ layāmṛtaṃ gopyaṃ śivoktaṃ vividhāni ca .
teṣāṃ saṅkṣepamādāya kathitaṃ muktilakṣaṇam .. 22..

iti te kathitaṃ caṇḍa samādhirdurlabhaḥ paraḥ .
yaṃ jñātvā na punarjanma jāyate bhūmimaṇḍale .. 23..

iti śrīgheraṇḍasaṃhitāyāṃ gheraṇḍayogeśvaranṛpacaṇḍakāpālisaṃvāde
ghaṭasthayogasādhane yogasya saptasāre samādhiyogo nāma
saptamopadeśaḥ samāptaḥ oṃ ..

navīnaślokavarṇano nāmāṣṭamopadeśaḥ
atha pariśiṣṭagranthaḥ .
prātaḥ smarāmi yadunandanakṛṣṇacandraṃ
prātarbhajāmi raghunandanarāmacandram .
prātarnamāmi tejomayasūryacandraṃ
prātaḥ smarāmi jagadekakṛpākaratvam .. 1..

      prātaḥ smarāmi gaṇanāyakameva mukhyaṃ
      prātarnamāmi gaurīpatimambujākṣam .
      prātarbhajāmi sukhadaṃ jagadādihetuṃ
      prātaḥ smarāmi harimīśamajaṃ dayālum .. 2..

prātaḥ smarāmi gopālanatatparaṃ vai
prātarnamāmi gopīsutanandalālam .
prātarbhajāmi haridāsibihāribālaṃ
prātaḥ smarāmi rādhādiyutaṃ hi candram .. 3..

iti śrīgheraṇḍasaṃhitāyāṃ sarvayogasārarādhācandraśarmakṛta-
navīnaślokavarṇano nāmāṣṭamopadeśaḥ oṃ ..

Sanskrit sources:

GheraNDasaMhitA MS.
GheraNDa SaMhitA. Bombay: Bombay Theosophical Publication Fund, 1895.
GheraNDasaMhitA: bhAShATIkA sahitA. 1899.
YogashAstrAvalI. Calcutta: ShrIsharaccandra CakraborttI, 1918, p. 129-211.
VishvanAtha. HaThayogasaMhitA. KAshI: BhAratadharma, 1921.
GheraNDasaMhitA. MuMbaI: LakShmIveNkaTeshvara, 1924.
GheraNDasaMhitA: Sanskrit-deutsch. Wictrac: Institut fur Indologie, 1993.
GheraNDa SaMhitA. Lonavla: Kaivalyadhama S.M.Y.M. Samiti, 1997.
GheraNDa SaMhitA: bhAShAnuvAda sahitA. DatiyA: ShrI PItAmbarA PITha, 2003.
The Gheranda Samhita. Woodstock NY: YogaVidya.com, 2004.

Encoded and proofread by Vlad Sovarel vlad.sovarel at yahoo.com